百搭三兄弟 （已付食譜）

百搭三兄弟
（已付食譜）

又百搭？係呀！蒸，炒，炸都得呀

炸左佢脆卜卜做賀年小食，正呀

今日介紹：靚仔白飯魚乾

點解叫佢三兄弟？因為佢地都係白飯魚，只係大中細，粗幼既分別。睇下你自己鐘意邊一種口感多D

三兄弟都帶少少微黃，少少魚香，靚仔架。因為佢無漂白過,所以唔會白到發光。

會唔會有沙？識得處理，唔好偷懶，一定唔會有沙！秘訣在於 Chok Chok Chok 

煮之前比個密梳離，倒D魚干Chok 下佢就得

點煮先？

炸 ，脆脆魚乾

千期唔好洗佢！洗左炸唔脆架！
1 搵一個密窿D既梳基，倒D魚乾落去Chok一Chok 佢，Chok走D沙（因為點樣無沙，都會有少少，穩陣就Chok Chok 佢）

2 燒一鑊油，中火，用個炸得既罩離，放D魚干落去炸，見佢挺身，轉金黃色，拎起D魚干，比佢cool down 一陣，等一分鐘左右，再炸第二次。
今次炸係逼返佢D油出黎，等D魚干更金香脆口

3鋪定張廚紙，倒D魚干上去，待完全放涼，先入樽，咁就保持到佢脆卜卜，完成😊

蒸

洗一洗佢,比D水浸一陣，瀝乾水佢，比D油蒸8分鐘左右,比D豉油食得

炒

洗一洗，浸一浸 先炒😊

保存方法：放雪櫃

陳皮既迷思 新會陳皮補充版

陳皮既迷思
新會陳皮補充版
相中份量為一塊/一個陳皮

果皮水/陳皮水
手術前定手術後飲好呢

手術前後一樣得。
但以手術後較好
特別係開刀 手術 可以排出因開刀入左身體既氣唔再肚谷谷好舒服架

究竟陳皮要幾多年先好

其實一般幾年已經可以了當然愈耐愈陳年愈好一啦但係未必人人負擔得起

一塊陳皮即係幾多

我自己既一塊係相中三瓣
一瓣3塊，3瓣為之一塊   煲大煲湯用一塊3瓣先有用架!!!

-- 咩湯都可以加陳皮
-- 一般中湯都可以加架

BB幾大個先可以飲陳皮水

個人建議其實4，5個月已經可以了。有D人再早D添
如果BB有蠶豆症/食物敏感  請先請教醫生

百搭 鈣之寶

百搭 鈣之寶

佢好香架用黎炒飯，蒸蛋，炒餸，煲仔菜，整xo醬都得仲唔係百搭！鈣質仲非常豐富

今日介紹 百搭蝦皮

蝦皮係蝦既幼苖。鈣質好豐富架。

呢隻蝦皮夠新鮮，好香，夠光澤，煮餸一流好多時D日本餐廳都會用佢黎炒飯，香口，又脆kok kok🍤

點煮？
洗一洗佢，唔使浸，瀝乾水先。
之後炒飯，炒餸，滾湯都係隨意加D就得架

澳洲海參 熱賣中

澳洲海參 熱賣中


(相中包括已浸發既澳洲海參圖）

已附海參浸發方法，跟住發好易發，發到好有成功感架
呢隻澳洲海參爽，滑，有咬口！絕對唔會腍Gi Gi 。用呢隻海參，煲湯，炒，炆都好掂！一定唔會爛哂
呢隻參未浸發個樣真係唔討好。但浸發左之後幾靚仔架。
相中既澳洲海參，浸花左三日左右
海參浸發方法
浸泡-＞洗->煲->焗->洗
緊記 油係浸發海參既死敵！一滴油都絕對唔可以有！因為浸發緊既海參一掂到油，會霉哂，全部玩完！

所有浸海參既煲，用具，洗碗盤一定要洗乾淨，用熱水淥過。

包括手一定要乾淨無油，hand cream都唔得。
1 用清水浸一晚先，一晚之後倒左D水佢。煲一煲熱水，放入海參，滾15分鐘，熄火焗佢一晚。


2 沖涼，海參腍左，就係中間劏一刀，拎哂D腸，出黎，再好溫柔咁洗乾淨佢

3 再煲一煲滾水，放入去滾一陣，熄火，焗佢至水變暖

4，換多次水，再滾再焗。

你認夠腍身就ok，用水同佢沖涼，分好三四條一袋，放入冰箱，幾時都有海參用。

本地 鮮味大蝦干:

哈哈哈哈哈哈哈哈干:)

天然生囇，又一推介

今日推介-本地 鮮味大蝦干:)

絕無染色
天然生曬
蝦味香濃
食落鮮甜
夠晒亁爽

用黎蒸，炒！掂焗飯仲正！
香噴噴焗飯食譜，快D睇返--＞XL老虎蝦干 post

哈哈哈哈哈哈哈哈:)

㊙ 乾燥救星 ，家居必備 ㊙

㊙ 乾燥救星 ，家居必備 ㊙
（有埋救命水食譜 ）

功效- 超級滋潤，降火

誠意推介-美國無花果⋯⋯

呢隻無花果大大粒，無漂白過。剪開入面好靚架（相片左上）

＊＊呢個無花果水的確救過我好多次，所以我稱呼佢為救命水！！

＊如果你食左好多西藥／正在服用西藥。口乾 ，乾燥，燥底啦等等都非常岩飲。我自己試過食西藥太多，成個人又乾又燥都係靠佢幫我舒緩。💊甚至乎我介紹過一D進行緊化療既病人唔加糖當水飲，佢地都話好在飲左佢舒緩下。

＊飲左立即滋潤返哂，唔會再乾爭爭，個人都無咁燥底所以係一年四季，一家大細都飲得。夏天雪凍，好過飲汽水。熱飲你直頭立即feel到效果

㊙救命水食譜

毛花果洗浄，剪開。
果皮浸軟，去囊
淮山洗淨一小時備用
南北杏洗浄

所有材料隨水放，直至大滾，滾十分鐘，轉慢火煲個半鐘
可以加少少冰糖調味／乜都唔加當水飲。

毛花果 呢落多D去煲，咁先有效果！我一家人煲大煲，落差唔多一磅架！

印度腰果--（已附食譜教大家點樣炸出鬆化靚腰果）

印度腰果--（已附食譜教大家點樣炸出鬆化靚腰果）

買腰果，一定要買呢隻最靚既印度腰果。因為夠乾爽，果仁味夠濃。

跟足以下教既步驟做，完全無難度。
⋯⋯
1.煲一煲滾水先，（水必須蓋過腰果）加少少鹽。水滾就倒D腰果落去，拖一拖水，2分鐘左右就夠！(太耐腍左，點炸都無用) 拖左水先炸既腰果，腰果色會炸得均勻D，靚仔D！

2.然後撈起，完全瀝乾水佢。最好用廚房紙印下佢。攤一攤返凍佢。

3.準備一鑊溫油。用慢火炸。係溫油！溫油即係熱熱地，有小小泡。因為只有溫油先可以係油温上升既同時將腰果既水份迫出黎。咁炸出黎既腰果先香脆咪用滾油呀！
--將腰果放入溫油用慢火炸。見有D小水泡係腰果度出黎，用木筷子攪下佢，炸3至5分鐘左右，見腰果轉金黃色。就炸好。快手撈起佢。


4.準備兩三張廚房紙，將D腰果倒係上面隔油。未食得架！要等D腰果完全攤凍，咁先會香脆！完全凍哂，先好放入密實樽入面保存。

＊可以加D椒鹽，更加惹味。

西洋涼果--它來自土耳其

                                          ＊＊＊西洋涼果--它來自土耳其＊＊＊

---天然無糖 健康之選 過年最岩！

                                            ＊＊今日推介-土耳其無糖杏脯肉＊＊
⋯⋯朱古力？瓜子...又呢D！
過年不停食真係食到口損舌損。熱氣到爆咁你就要試下熱賣榜首-土耳其無糖杏脯肉

無糖？咪淡而無味！邊好食架！？
無糖既意思係指佢無蜜餞過。咩叫蜜餞過呢？蜜餞過果D係望埋去啡啡黃黃，拎上手，食落口都甜耶耶又痴口。甜到爆炸！

～呢隻土耳其杏脯係完全無蜜餞過。只係原粒吹烘乾。所以所以拎上手係好乾爽，而食落口係好清甜，爽口，唔會淋gi gi 一pat野咁。佢呢隻甜係來自佢本身少少地既天然清甜。所以長期有好多捧場客指定搵佢！病呀，咳呀，口啖啖要戒口佢就最岩!
你可能見過差唔多樣既野，但佢有幾個號數分架，口感都同架。經咁多朋友試過之後，最後都㨂返呢隻

～仲有你又可以配合nuts食，過年就岩曬，又可以撈埋麥皮食。夏天雪係雪櫃食仲正。男女老幼都岩食！

你黎搵我試食下丫！食過就知好味道。唔使唔好意思架，因為零食口味好個人，食岩先至買

電眼美人必備---日月魚

                                  ＊＊＊＊電眼美人必備---日月魚   新鮮上市＊＊＊＊
                                                                  ＊已附湯譜＊


～工作繁忙，唔夠訓，日日機不離手，帶隱形眼鏡，溫書睇書對眼又乾又攰。日月魚幫到你。一家大細都飲得。傷風感冒例外

﹣功效-補眼，清肝明目，滋陰
﹣用佢煲湯清甜，又唔腥！
﹣一定要放雪櫃保存！！！
⋯⋯

＊小心假野，見過假有D紅點，個圓形大個五蚊銀，煲湯超腥


滋潤湯水介紹：
1.日月魚淮山瘦肉湯
2.日日魚豬𦟌無花果南北杏
3.日月魚紅蘿蔔粟米
4.日月魚沙參玉竹

以上湯水做法，日月魚洗淨，比水浸半個鐘左右，果皮一至兩塊去嚢（隨水落），肉氽水，其他材料一樣洗淨。

水滾落料，大滾十分鐘，轉慢火煲2個鐘，加盬調味。

XL 加大碼-章魚 再度登埸

＊＊＊XL 加大碼-章魚 再度登埸＊＊＊

﹣佢係比平時既章魚厚身，仲更加香。一隻等如平時兩隻lu！

﹣功效-補氣益血，產後催奶

煲咩湯？合家歡湯水，梗有款岩你！
蓮藕煲章魚，節瓜煲章魚，合掌瓜排骨煲章魚。

點處理？洗浄，用滾水灼一灼，剪開等章魚容易出味D。
 

就係咁簡單

澳洲紅螺頭-燉湯煲湯都一流

澳洲紅螺頭-燉湯煲湯都一流

補唔一定用鹿茸，人參。螺頭都有效果架，而且一年四季，男女老少都岩食。

螺頭-滋陰補腎，氣虛弱既就仲岩。但要記住有傷風感冒，千期唔好飲老火湯呀。會困住D感冒呀
⋯⋯
一定要浸左先用得架
洗乾淨，用之前一晚要用清水浸定，浸足一晚，變軟身就可以用。（其實可以浸定多少少，放入冰箱下次用）

～滋陰湯水食譜～

1，淮山螺頭瘦肉湯(可煲可燉）

果皮去囊，淮山（記得浸下先好用），螺頭，豬𦟌，
煲滾水，果皮隨水落，水滾將所有材料放入去，文火煲兩個鐘，煲好加盬調味／燉兩個半小時

2，花膠螺頭雞湯（可煲可燉）

花膠，螺頭，瑤柱，金華火腿（加左湯會香濃D）雞（烏雞／老雞）

花膠，螺頭，浸發洗淨，瑤柱浸一陣，雞洗淨飛水，火腿
水大滾將所有材料放入，文火，煲3小時／燉3小時

大家試下Y😊

漁民生曬-吊片

漁民生曬-吊片

BBQ ，自家焗一樣咁正

呢隻吊片係天然囇，係陽光下照係好通透。味道亦特別香甜，爽口。唔會咬唔開架。
⋯⋯
吊片 一般用黎蒸肉餅，炒啦。

其實用佢黎BBQ同自家焗一樣咁正。首先，浸一陣，瀝乾水，然後燒／焗一陣之後，可以搽D蜜糖或者係少少辣椒油／辣椒粉，烘一陣就攪掂

自家焗呢，用160度焗8分鐘左右(因應個別焗爐火力,自己再調校) 焗好等完全放涼，搵個密實盒入起佢就ok。

 

 

 

L Size -日本乾瑤柱

L Size -日本乾瑤柱

足足一個五蚊銀咁大

呢隻大大粒整乜好？一般用黎整節瓜瑤柱鋪。過時過節請客呀。另外多數用黎送禮既。

瑤柱用途係百搭。基本上煲湯，煲飯，粥,炆餸都可以用到。包無甩拖。

唔好睇小呢隻菇

                                               ＊＊唔好睇小呢隻菇＊＊

                                                    -靚靚花菇-(脫水菇）

＊呢隻菇拎上手係比較薄同輕身。甚至心諗佢咁薄唔掂啦。其實，浸左之後佢係大隻，厚身。有一隻手指咁厚架，（如圖） 而且菇香十足。食落係脆口，有咬口架。
⋯⋯

＊由於佢係脫水菇，特別輕身，所以四両已經好多了。好多客人食過真係返黎讚好。所以，佢已經有好多粉絲了。

＊有興趣，行開，買開野拎兩隻返去試左先。不過記得搵秀英／榮哥呀,去第2度一陣比人丙呀

＊溫馨提示***痛風症病人***，千期唔食菇呀！因為一食就真係黎料。要忍口呀!

2014 開個靚頭先-

2014 開個靚頭先-

快速養顏😊方法

大家都工作忙碌，又燉又煲真係無咁多時間。我睇過本雜誌教過以下方法可以好方便咁補充骨膠原

首先，將花膠浸發，然後剪開細細粒，搵個食物盒裝起佢放入雪櫃下格。（如果日日食放雪櫃下格就可以了）

倒一杯鮮奶，放幾塊預先浸發左既花膠片，一齊放入微波爐叮熱／用煲煲熱咁就可以了（個人建議煲，始終微波爐煮食無明火咁健康）
⋯⋯
對奶敏感／唔飲奶-方法

用冰糖水代替（淡淡地可以了，可加D薑汁），煲定D冰糖水雪放落之後雪起，代替以上用鮮奶既做法。

以上方法keep住食一排，皮膚質素會有明顯改善，注意！脾胃寒濕既人就唔好長期食呀

2014 開個靚頭先- 快速養顏--方法

2014 開個靚頭先-

快速養顏--方法

大家都工作忙碌，又燉又煲真係無咁多時間。我睇過本雜誌教過以下方法可以好方便咁補充骨膠原


首先，將花膠浸發，然後剪開細細粒，搵個食物盒裝起佢放入雪櫃下格。（如果日日食放雪櫃下格就可以了）

倒一杯鮮奶，放幾塊預先浸發左既花膠片，一齊放入微波爐叮熱／用煲煲熱咁就可以了（個人建議煲，始終微波爐煮食無明火咁健康）

對奶敏感／唔飲奶-方法

用冰糖水代替（淡淡地可以了，可加D薑汁），煲定D冰糖水雪放落之後雪起，代替以上用鮮奶既做法。

以上方法keep住食一排，皮膚質素會有明顯改善，注意！脾胃寒濕既人就唔好長期食呀