一個鴨腎滿足你三個願望 DUCK（附BB版及大人版粥譜，湯譜）

一個鴨腎滿足你三個願望 
（附BB版及大人版粥譜，湯譜）

阿B，無胃口食野？食少少就唔食？但佢無病無痛，又玩得訓得，開奶茶都飲埋，都唔得！點攪？

阿B有可能食滯左整個開胃健脾粥（可開胃，去奶積又清熱）佢嘆下啦！

大人食滯，燥熱一樣掂！

今日介紹 南安鴨腎（鴨腎名牌）

功效：消積 開胃 清熱 💕一次過滿足三個願望😊

BB版 粥譜

材料：乾鴨腎半個，准山2至3塊，瘦肉一舊，果皮一塊

💫1.乾鴨腎洗淨，用熱水滾2分鐘，將鴨腎切開一塊塊，再用熱水浸2至3分鐘（咁樣處理可以避免過鹹，BB岩食D）

💫2.果皮一塊去囊，准山用清水浸一小時，倒左D水，再沖下。瘦肉出水。米洗淨。

💫3. 煲煲熱水果皮，准山隨凍水落，水滾落其他材料。打開煲蓋，用中大火煲（可避免滾瀉兼痴底）直至米開花，變綿。

😊大人版粥譜

💫材料，做法一樣。分別在於大人用一個鴨腎。💥鴨腎洗淨，用熱水拖下就可以，唔使切塊浸。💥鴨腎記得剪開中間，等佢出味。粥煲好大人可加鹽調味

湯譜

青紅蘿蔔鴨腎湯

功效 滋潤清熱 生津降火

材料及做法 青紅蘿蔔各一，去皮，切塊。果皮去囊，麥棗，南北杏洗淨，西施骨出水。乾鴨腎最小2個，洗凈，拖一拖熱水，剪開中間，等鴨腎出味

果皮凍水落，其他材料水大滾落。水滾滾十分鐘，轉中慢火煲兩個半小時，加鹽調味。飲得