自家浸製﹣青梅酒

                                                     ＊＊自家浸製﹣青梅酒＊＊

                                            （巳附浸製方法，美味酒譜及小貼士）

收到好多朋友查詢浸梅酒方法，自己試過呢個方法幾好飲，真係最似Choxx 梅酒一於同大家分享下Y😊依家浸定，聖誕，新年開Party飲就岩了

＊材料及做法⋯⋯
﹣青梅1kg 
﹣冰糖500克，
﹣雙蒸1000ml
﹣密實玻璃樽一個。
﹣酒，酒必須用酒精濃度30度以上，因為30度以上先可以誘發果實中的芳香。
＊可用米酒，玉冰燒，雙蒸。
＊米酒比較甜，冰糖份量要減少。
＊雙蒸酒味比較香濃💫日本清酒唔建議，無咩酒香，得個酸字，梅味又無乜
＊糖，用冰糖味道清新一D。

＊浸製方法
1.先將玻璃樽，洗淨，再用熱水沖一沖。
2.剪去青梅上既蒂
3.預備個兜，倒D酒，幾粒幾粒青梅咁清洗。用酒（雙蒸/米酒）去洗，可以消毒，又唔洗等D梅吹乾先用得，快捷方便
4.用叉係青梅上吉一至兩個洞，等青梅容易D出味
5.將材料放入玻璃樽，放係陰涼地方就可以，等冰糖完全溶化，金黃清香，酸酸甜甜既梅酒，飲得

＊＊浸製靚梅酒貼士＊＊
﹣青梅要靚仔，無鄒紋有方法架。如果將所有材料一齊浸當然可以，但冰糖完全溶化之後，因為青梅中既水份因酒精濃求既成份被抽出。所以青梅就鄒皮收縮，唔靚仔！
﹣想青梅浸完都靚仔，先放青梅同酒去浸，三個月之後，等青梅充分吸收酒精，先放冰糖再浸。呢個時候，由於青梅內既水分同冰糖溶化後既酒，到平衡狀態。所以青梅就唔再收縮，粒粒漲卜卜，好靚仔！

﹣記得預留空間比梅酒發酵，個樽八九成滿好了

﹣酒愈浸得耐愈香醇好味，唔好心急

﹣記得放陰涼地方，唔好比太陽囇到，貼上貼子，寫低幾時浸

～～食譜：
﹣700ml青梅酒+500ml鮮榨果汁
﹣功效：青梅酒中的份可以抑制體內脂肪堆積，有塑身功效
﹣果汁有豐富維生素，可補充人體所需
＊但要立即飲用，確保新鮮，免變質!