~~皮膚敏感~~ 救亡行動

 ~~皮膚敏感~~
救亡行動

~~清皮膚濕毒、熱毒篇~~
***已附湯譜***

話說之前去泡菜國旅行，旅行完返黎就大鑊了！皮膚從未如此敏感過皮膚又乾又癢都不突止，仲要紅到腫起一舊一二舊！完全想死 當然立即展開一列串救亡大行動... 由於

之前已經分享過濕熱，係皮膚敏感既原兇其實脾虛，氣虛，血虛，肺弱亦都係引致皮膚敏感原因! 要解決皮膚敏感必需要，穩定同時提升身體狀態 咁樣可以防止皮膚容易過敏，爆發大型敏感

由於資料比較多，會分開幾part同大家分享

我自己因為係泡菜國，狂食辣野，又少飲水，唔夠訓，返黎香港依然唔戒口，辣呀，暑片照食！所以一次過爆發！

醫生解釋，點解咁多人去完旅行返黎香港先出事

1 香港天氣濕，空氣差
2 外國既水質比較涼，所以身體自然無咁熱！

所以好多朋友通常返香港就出事！

氣虛血虛、肺虛都會引起皮膚敏感

中醫指既氣，係指一種能量，係人既元氣，其次就是人的衛氣 ！肺主皮毛，當肺弱既時候，敏感

-當身體元氣不足就會容易攰，無精神，訓得唔好 ！

-衛氣虛損就係抵抗力弱，容易感冒，加埋脾虛，皮膚好易過敏

-氣就好似個泵一樣，會帶動血液，養份去滋養身體各臟腑但氣虛血液流動差，好多問題會湧現！

救亡行動1 醫生

--從未睇過皮膚科醫生既我，今次成面都又紅又腫又癢又乾！實在唔睇醫生唔得！於是立即向識得多醫生既朋友求救幾個朋友都介紹同一位皮膚科専醫生真係平！靚！正 之前亦同幾位客人傾開分享左，睇過好好！💫有需要可以Pm我，有關醫生資料😊

--我就患左急性皮炎，食左藥問題亦解決左，但皮膚就處於一個唔穏定既狀態，容易紅同乾😨食西藥始終唔係辦法！之後睇左一次中醫，再自己煲湯水，同skin care 全力救亡 🚑

--救亡行動2-湯水

--皮膚其實係反映緊身體狀況。濕熱，脾虛，氣虛，血虛，肺虛係引發皮膚敏感原因！ 所以去濕毒，清熱，健脾，提氣湯水係必備 ！

--救亡第一步！必須要祛濕，解毒！因為一濕重，脾胃化濕能力變差，毒素容易積聚，唔理唔理，皮膚問題會慢慢湧現😨

***** 強效去濕茶****

💫其實去濕湯水有好多，不過未必個個岩，而呢款去濕茶，唔會寒涼！一家大細都岩飲！🌟記得春夏係必須定期去濕！最好一星期一次！🌟強效去濕茶，脾虛，點解會濕重！可之睇之前post 分享-》

https://m.facebook.com/photo.php?fbid=1468641306688185&set=a.1445492635669719.1073741827.1423234851228831&type=1

百花蛇舌草+半邊蓮
 ***孕媽媽忌用***

百花蛇舌草功效
-清熱解毒、除濕、活血止痛、利尿消腫、抗腫瘤、抗炎、保護胃黏膜損傷及增強免疫力、扁桃體炎、咽喉炎等。
半邊蓮功效
-消腫、清熱利尿，涼血解毒

材料：百花蛇舌草，半邊蓮，片糖

做法：所有材料徹底洗淨，煲足3小時，臨好前10分鐘先落少少片糖煲

菌陳解毒茶
💥孕媽媽，酵素缺乏朋友忌用💥

功效：清熱解毒, 袪濕熱, 濕毒. 對熱毒性毒瘡, 皮膚紅斑熱毒, 濕重之腸胃熱毒, 肛門熱毒等有功效。

材料及做法：

菌陳，土銀花，夏枯草，大山地 土茯苓, 綠豆

💫將所有材料洗淨，煲足3小時，臨好前10分鐘先落少少片糖煲

苦瓜排骨蠔豉鹹菜湯

💥可以睇之前分享--》

https://www.facebook.com/permalink.php?story_fbid=1493378230881159&id=1423234851228831&substory_index=0

老黃瓜赤小豆扁豆，土伏苓瘦肉湯

***呢個湯可以完全唔加肉，煲水飲***

功效 ：去濕 清熱 解毒

材料：老黃瓜，赤小豆二兩，扁豆蜜棗，土伏苓，西施骨/豬展骨

做法：所有材料洗淨，老黃瓜去囊切件，肉類出水，水大滾，落哂有材料，大滾十分鐘，轉慢火煲2個半小時，加鹽調味

***號外***號外***號外***號外***

                      ***號外***號外***號外***號外*** 

呢款湯好評如潮呀!!!! 有好多朋友試左呢個湯都話正! 飲左好舒服

有好幾位皮膚敏感客人黎同我地講, 飲左呢個湯2次之後, 皮膚已經無再痕 !無再紅了!

****秀英廚房***

 ~~~~苦瓜蠔鼓鹹菜白豆排骨湯~~~

~~超級去骨炎，肝火

~~解毐，除暑感，解暑

~~注意材料選擇，處理分享

--有無試個人無神神覺得好熱，個股熱係入面熱出黎，但又唔係發燒其實因為個人太累/骨火重，無處理到，就好似個摩打，用得太行，太耐，所以好熱咁！

--另外一樣，有差唔多症狀，就係暑感引起

--個人燥燥地，亁乾地，又攰，骨頭又痛痛地！又夜訓！周身火咁！ 整返個今日分享靚湯，舒緩下，下下火啦，仲可以去暑氣，去暑感架😊

~~~乜野係暑感呢~~~

暑感係由春夏天暑熱，高温引起！春夏特別容易中招！

症狀 會有D好似周身發熱，心煩不安，小便短赤，口乾，囗渴，全身酸痛，又攰，舌红唇紅！

苦瓜蠔鼓鹹菜白豆排骨湯

功效：超級去骨火，肝火，解毒，除暑感，滋潤，消暑

材料：苦瓜，白豆，蠔豉，鹹菜，排骨（可以加少少蜜棗）

做法：

-1 苦瓜洗淨，去囊，切件，唔好切太細

-2 白豆洗淨，先用清水浸1個鐘

-3排骨出水

-4鹹菜洗一洗，用清水浸10分鐘，唔好太耐，再切件

-5蠔豉，洗一洗備用

-6 煲煲水，水大滾將所有材料放哂落去，滾10分鐘，轉慢火煲2小時，💥注意因為有鹹菜，先試味再加鹽，避免太鹹

*****注意事項*****

*苦瓜一定要買雷公錘, 比較挺身，耐火

*白豆先浸一小時，可以防止因豆類而引起既腸胃脹氣，而且容易腍D

*蠔豉，有老身更好，更下火

*潮州咸菜係有莖無葉！另一種有葉子是酸菜, 唔好買錯

*黃豆類敏感朋友，唔好加黃豆呀！

*黃豆唔同白豆呀! 

濕疹大搜查 Part 1 先從中西醫角度了解濕疹

濕疹大搜查
         Part 1
先從中西醫角度了解濕疹

-壓力大
-情緒波動大朋友留意

知己知彼，百戰百勝！要戰勝難攪既濕疹，先要清楚知道💫濕疹係乜野，有邊幾類

濕疹-呢個問題的確困擾好多朋友，春天/𨍭係季最容易返發，壓力，情緒波動，一樣有機誘發濕診架濕疹唔止痕，乾，影響外觀咁簡單！佢可能會失驚無神突襲你最大問題係成日搽住藥膏，藥膏又可能有類固醇，食住西藥都唔係辦法架

-----先了解乜野係濕疹-----

濕疹又叫「皮炎」， 是係一種由多種內外因引發既皮膚病 💥又指皮膚受到刺激或炎症影響後所出現既狀態,係皮膚過敏既一種狀態

濕疹成因

係中醫角度，皮膚濕疹最關鍵的病變在於「濕熱」呢兩個字 可以分先天同後天兩種成因

先天-先天不足、內有胎火濕熱，即係話BB係胎入面已經有濕熱呢個問題 所以點解成日話孕媽媽要戒口，臨生之前要清胎毒

後天-飲食唔正常，成日飲生冷野，加上天氣潮濕脾胃運作失常，令濕熱蘊積皮膚而形成濕疹所以成日強調大家要定期祛濕💥

西醫角度身將濕疹主要分為兩大類

接觸性濕疹（外源性濕疹）

--環境天氣、空氣中的致敏原、細菌(如金黃葡萄球菌及鏈球菌)、接觸刺激性或敏感的物質如金屬、橡膠、清潔劑、香水、塵埃、動物毛髮及洗衣粉等💫食物，例如花生、小麥、牛奶及雞蛋等食物誘發

--壓力、情緒波動（💥近年好多朋友因為壓力引起濕疹）其次對盤尼西林反應過敏，哮喘病患者都容感染

體質性濕疹（內源性濕疹）

-- 多由情緖緊張、免疫系統反應過敏及皮膚有缺陷等複雜因素引起

-- 唔同類型濕疹特性

-- 濕疹有不同類型，成因，病徵亦會有少少分別

~~~~特應性濕疹~~~~

-- 呢種係最常見的類型「特應性」是用來形容家族具有容易患上不同敏感症的傾向 包括哮喘、花粉熱和濕疹
-- 特應性濕疹通常影響面部、四肢、膝部背部，肘部 呢種濕疹通常係童年時期出現

~~~~過敏性接觸濕疹~~~~

--當身體免疫系統對接觸皮膚既物質產生抗拒反應時產生😨皮疹通常首先出現係引起💫抗拒反應的物質接觸的皮膚位置💫隨後可能會擴散到其他部位

--例如首飾中含有鎳可能會使耳垂、手腕和頸部周圍出現濕疹😨其他可能引起此型濕疹物質包括橡膠及香水等等

~~~~刺激性接觸濕疹~~~~

-- 呢類型濕疹-大多數因為皮膚經常接觸某種物質而引起

-- 如肥皂或洗髮水中含有的清潔劑等 雙手最容易出現這種濕疹

--脂溢性濕疹

-- 呢種濕疹比較為少見💫皮疹屬油性，影響位置包括頭皮、面部、腋窩、腹股溝，胸部以下皮膚。

~~~~靜脈曲張性濕疹~~~~

-- 通常係小腿出現，與靜脈曲張及循環系統疾患有關💫皮膚（通常位於踝部）會有鱗屑、發癢和發炎

-- 硬塊型濕疹

-- 影響手臂，腿部

--呢種濕疹的特徵是會出現大量圓形塊狀皮疹

病徵

--主要症狀-皮膚劇烈痕癢、紅腫發炎、乾燥粗糙、出現鱗屑、破裂、脫皮、水泡、滲膿、結痂和變厚等現象

-- 濕疹出現於不同部位如面部、頸、手、四肢等😭如果手指受感染指甲會凹陷💥濕疹病情時好時壞，與病患者體能及免役系統之抗病能力有好大關係

濕疹大搜查 Part 2 舒緩治療 外用篇

濕疹大搜查
            Part 2
舒緩治療  外用篇

燕麥舒緩濕疹
用過有效產品分享
濕疹要注意地方

  自己曾經比濕疹侵襲過，原因不明，慶幸只係局部，但已經令我好沮喪

之前已經分享過皮膚敏感問題，我係身經百戰我試過皮膚敏感，爛面，乾到紅哂，出出下街突然甩唒皮，一撻二撻好樣衰  所以非常明白皮膚敏感既痛苦...因為咁所以試左N咁多產品，希望將經驗同大家分享

濕疹最頭痕既地方，係無一條百分百有效既方可以將，濕疹徹底解決除左環境同天氣因素之外💫大部份都係因為身體機能/壓力大，情緒出左問題，引致免疫系統出左問題，繼而導致濕疹

要解決濕疹問題，唔可以心急，必須從多方面配合，慢慢從根本性問題舒緩濕疹內外配合，治療濕疹

外用

濕疹朋友大多皮膚比較乾燥，所以盡可能用天然，性質溫和產品去滋潤，補濕修護皮膚

天然又經濟，燕麥護膚術

燕麥都可以䕶膚？

燕麥中β-葡聚糖-

可以鎖住皮膚角質層水分,有非常好的補濕功能

促進纖維細胞合成膠原蛋白，促進傷口癒合💫具有良好的皮膚復修能力

改善發質和乾澀皮膚

 燕麥油中不飽和脂肪酸成分還可以係皮膚表面形成一層油膜 起到長效保濕作用，能夠軟化滋潤皮膚

燕麥中抗氧化物質，可以減少黑色素形成，淡化色斑，保持皮膚白皙

燕麥蒽酰胺，具有清除自由基抗皺的功效，有抗刺激特性，對過敏性皮膚及曰曬後皮膚有非常好護理作用

用法
用砂布/BB用既砂巾 包住燕麥，濕少少水，係濕疹患處，輕輕印下印下，等燕麥滋潤成份，滲入皮膚，之後再用水沖下，搽返d Cream 就可以了

---濕疹產品---

其實日本有隻叫F Cream ,粉藍色盒，幾有效架，杜如風曾經介紹過，係日本藥房，可以買到 但用量適可而止呀，始終係藥膏，用之前可以問下醫生

Lx Mxr

--呢個我係無意中發現，幾年前,手背無啦啦，起濕疹，之前變成一撻黑色咁，又硬

咁我果時有用開呢個牌子既Cream，又醒起創辦人故事（因為佢係爆炸意外燒傷，所以就研究左呢個cream去醫自己，後來好返）咪搽D落去

過在2星期，好返晒，一D印都無, 仲好滑....不過呢個Cream 都貴架，但優質，同每次只係用少少

Saxxou
海鹽，多元修護精華蜜

 -- 因為頸背又係無啦啦好敏感，起哂疹，又超痕，咁見好多人人分享好就試試，因為唔想用藥鬲
前者，係患處厚敷，再用後者搽，非常滋潤，一星期後完全好返，一D印都無😨缺點貴，不過好在每次用少少

Cetaphxx , Curex , Physogel

--因為之前乾爆，爛面果排用過，都唔錯，Physogel 有支Cream 係牙膏狀特別貴，但效果唔錯 ，可以舒緩到

金銀花水沖涼

**蠶豆症唔可以用
**坐月期間禁用，因為涼
**孕媽媽先問下中醫師

---用熱水浸金銀花，等D水變暖，用毛巾濕D金銀花水係皮膚度印下印下，再沖乾淨搽Cream

濕疹性皮膚要用特別淋浴露沖涼

唔可以用太熱水
沖涼後，要立即搽Cream
毛巾要用一D柔軟，質地好D，以防再磨損皮膚

避免有刺激性產品
酒精
AHA ,BHA
美白
Rentinal

美膚全攻略 面子工程 Part 1 皮膚好先要肺好

美膚全攻略
面子工程
  Part 1 

皮膚好先要肺好

--鐘意食生冷、寒涼野，氣管差朋友都要了解下

--濕疹
--容易皮膚敏感
--容易出粒，暗瘡
--個人氣色麻麻
--皮膚硬係唔夠光澤
--好多䕶膚品，Mask都唔多吸收
一係好快又無效

已經食左好多花膠，補品咁可以點呢？

 如果有以上問題/呢D問題久唔久黎襲擊你要注意下肺部補養

肺都會影響皮膚？

 養肺先養氣：男人肺氣足精力旺盛，女人肺氣足皮膚光滑

-- 你當身體每一個器官都係一個部門先，肺係管理你皮膚，毛髪 肺就好似一個泵咁 肺氣會推動血液將有用既營養，細胞等等，帶到全身 供養身體各部分臟腑、全身皮毛肺能正常，各部門（內臓）皮毛得到充分滋養就會健康，氣色就會特別好

--相反如果肺氣唔好，食咩都好，效果唔明顯同唔持久

氣色3合一？

氣由3方面組成

1.先天-受之父母，遺傳
2.後天-飲食，運動，休息時間影響
3.來自然界，環境因素

以上3部分夾埋，就形成氣 而色指人外表相貌 氣好，又夠氣，人既皮膚才自然有色即係光彩，光澤

通常都係後天影響，令肺氣唔好

 肺氣唔好，皮膚自然差

--大家一定有經驗，每次熬夜之後面色特別差，特別憔悴，殘左100倍 經常熬夜朋友，有暗瘡、粉刺或黑斑，就係因為肺功能受到影響，皮膚得無充分營養供應就會 飢餓，就會慢慢衰老、退化、出現皺紋

-- 肺唔好，皮膚特別容易過敏，起疹 因為肺有一個過濾，自我保護功能（宣發衛氣） 等如保護罩一樣，肺氣虛了，皮膚自動保護功效大減，再受到冷、熱、花粉等刺激 皮膚就容易過敏

肺最怕寒（凍）

-- 肺最怕 -寒，氣為陽（太陽）寒為陰，所以最容易傷肺氣就係寒

-- 著唔夠衫，凍親叫-外寒

-- 寒涼食物，凍飲，西瓜、苦瓜、黃瓜等寒性食物-叫內寒

-- 個肺長時間咁受內寒攻擊，日積月累，會容易感冒咳嗽，就係因為肺氣被傷了

所以成日叫大家要補氣，唔好補血唔補氣呢

💥Part 2 見💥

美膚全攻略 敏感皮膚篇Part 1 附有皮膚敏感身經百戰分享 處理方法，敏感皮膚分類

美膚全攻略
敏感皮膚篇

附有皮膚敏感身經百戰分享
處理方法，敏感皮膚分類
食譜
Part 1 

講呢D其實一直考慮緊分享唔分享好，好似唔多關事但係黎到轉季，好容易出事架嘛加上呢度咁多姊妺們我忍唔住要爆喇

個人身經百戰篇

講敏感皮膚, 我可以稱得上達人（專業級） 因為我已經身經百戰，花面指數爆登大家同我見過面，都可能唔信皮膚敏感係好令人沮喪

我經歷過爛面既次數太多，次次新鮮次次甘我試過💥成個額頭爛哂啦，下巴兩邊爛哂，狂出粒，又忍唔到手擠完又出擠完又出，成塊面花唒啦

成塊面突然狂甩皮，損唒啦！紅色一撻二撻啦最 新一次係聖誕節，塊面突然一舊2舊，腫起曬

 - 因為咁花過好多＄係護膚品上 唔同牌子，貴貴平平都,果酸，Treatment ，中醫都試過，日日厚敷藥膏上面又試過 人話好咪試lo 

-  最後結論係，一切還原基本步！簡單！勤力！戒口！開心！內外補水！環境清潔！㨂一D天然，溫和岩自己既護膚品👍要皮膚好無得懶，因為之前太凍懶做mask又夜訓皮膚質素明顯下降...大家要加油唔好懶惰呀 !

點解春天咁容易皮膚敏感

- 春天日夜溫差大，乍暖還寒

- 春天分泌旺盛，內乾外油變得仲油

- 春天細菌容易滋生

- 經歷又凍又乾冬天，身體仍然係一個懶洋洋，緩慢既冬天狀態（除非你平時好勤力做運動例外）- 但春天非常潮濕 , 陽氣（身體個太陽 未升氣）

身體仍然有股寒氣🌀脾胃又濕，加埋本身再燥熱，生活，飲食唔平衡，身體未適應呢個轉變 ...咪一次過爆發出黎!!

簡單認識皮膚敏感

你係屬於邊種皮膚敏感

-皮膚敏感 通常會有紅腫，痕，丘疹，勺熱，乾燥，甚至乎水泡！
-- 但必定要攪清楚自己係咩類型皮膚敏感，致敏原係咩 先可以對症下藥 唔係係咁做mask,涼茶，深層清潔，用貴野就有效

皮膚過敏/敏感分類

食物過敏 奶，蛋，牛等
- 護膚品/化妝品 過敏 酒精，香料，酵素等
- 荷爾蒙轉變  藥物
- 壓力大，情緒波動
- 生活習慣改變
-天生皮膚薄，容易敏感
-過度Peeling 磨砂，清潔
- 溫度，濕度，天氣轉變
- 污染，環境唔乾淨，化妝用具唔乾淨
- 光敏性皮膚炎 對陽光敏感，通常係面，手容易接觸陽光位置

-除左天生皮膚弱，敏感，其他可以叫做 生活性敏弱肌-外來/人為因素導致皮膚變得脆弱，敏感

我自己經驗係，過度敷mask, 因為營養太多，皮膚吸收唔到，谷返哂d一（炸）白色野出黎，沒完沒了

磨砂，自己皮膚比較薄，走去磨砂，腫到一舊舊

壓力 過度用果酸

噴髪膠，因為捲左頭髪咪噴d造型產品，兩邊面既頭髮Liu liu下 立即腫起一舊舊

敏感皮膚需要內外夾攻

皮膚突然出現敏感，唔驚就呃你 特別係塊面，要見人呀
輕微皮膚敏感，可以自己解決，嚴重/敏感情況持續需要立即見醫生

外

立即停止一切化妝 Mask

停止深層清潔，磨砂，酸性產品

停止美白用品💥皮膚薄，容易敏感小心㨂美白用品呀（再詳細分享）

停止按摩 化妝棉，毛巾抹皮膚🌀避免再摩刷🌀刺激皮膚

停止維他命A /C 產品

停止酒精用品🌀避免刺激，再抽乾皮膚水份

唔好試圖狂搽Cream 去保濕，簡單d講 Cream 其實係水同油混合，再加乳化劑而成 仲有其他成份係咁搽Cream ，只會令毛孔塞，仲煩

飲多d水，去多幾次VV，將毒素排出體外

早訓  11點係皮膚修復期開始，好都好快d

盡量用純水產品，玻尿素，透明質酸，無洒精化妝水/可用蘆薈敷

濕疹，皮膚 可用燕麥 用一塊砂布，包住少少麥皮，濕少少水，係敏感位置，搽下印下👍燕麥係可以滋潤同修復皮膚功能

用金銀花沖下皮膚

內

係中醫角度濕熱積聚，可化成毒係皮膚敏感原因

所以必須
健脾祛濕，養血潤燥，清熱解毒

要皮膚靚 一定要滋潤下，又祛下濕，又解下毐，再補下四管齊下

所以就經常叫大家飲祛濕茶，飲救命水呢平日打好底，問題都不致於失控

湯譜

解濕熱毒湯水

功效 清熱化濕解毒 去骨火

肝腎陰腎 感冒 勿飲

材料及做

新鮮土伏苓，牛大力，鑽地老鼠，赤小豆，扁豆，麥棗 全部煲足3個鐘當水飲

合掌瓜無花果 果仁湯

功效 滋潤解燥，舒緩虛勞虛火
虛寒朋友可加南棗，南棗最後15分鐘先加

感冒勿飲

材料及做法
合掌瓜，果皮，瘦肉，無花果，花生，腰果

合掌瓜去皮切件💫陳皮浸軟，去囊肉出水無花果洗乾淨，剪開，花生，腰果洗淨，浸15分鐘，再用熱水滾10分鐘，防止唔腍，

果皮隨凍水落，其他材料大滾落，大滾8分鐘，轉慢火煲2小時，加鹽調味