是日-秀英私伙靚湯 春夏秘密武器之一 keep fit 滋補 消暑一take過！

是日-秀英私伙靚湯

春夏秘密武器之一
keep fit 滋補 消暑一take過！

滋補滋潤 同時 有效祛脂，祛水腫，祛濕，消暑，清熱，降血壓、血脂，通便  

**** 留意內容，注意湯料加減 ****
**** 已附各材料功效 ****


呢個湯功效又係超強！

滋潤滋補，同時明顯祛水腫，去便便創暢通左，少左肚谷谷既感覺！暑氣全消！---》最重要係好鮮味架！

一take過湯譜

****痛風症朋友唔可以飲****
****腎虛朋友只可以飲少少****
****留意材料增減****

材料：冬瓜，瘦肉，冬菇，陳皮，茯苓，黑木耳 / 白背黑木耳，扁豆，生熟薏米，綠豆，花膠，竹笙, 黃豆 



做法：

1）冬瓜洗淨去囊，切大件，唔使去皮，去左皮無咁消暑架！

2）瘦肉出水，所有豆類，薏米洗淨

3） 果皮浸軟，刮囊 ，冬菇浸一陣，去蒂！浸菇水可以返煲湯用

4）竹笙，浸十五分鐘，換水浸多一陣---》湯差唔多好先落，有咬口

5）黑木耳 / 白背木耳 浸一陣，去蒂！！** 唔好浸太軟身，煲湯爛唒！

6）已發花膠，一至兩塊，((可以唔落))  湯煲好前30分鐘先落！


****陳皮隨水落，其他材料大滾水落， 大滾十分鐘，轉慢火煲2個半小時，加鹽調味***

Sent from my iPhone

** 有粟米加埋仲正

** 如果體質比較虛寒又好想飲，可以唔加綠豆！改為加幾片薑，但薑必須用刀背拍扁，咁先出味架！
各材料功效

茯苓- 利水祛濕，安神，健脾

陳皮- 行氣，健脾

黑木耳/ 白背木耳 - 有效通血管，防止心血管病

竹苼- 有效減少腹壁脂肪囤積，有刮油作用 ，止痛，補氣，降膽固醇功效

冬菇- 去脂，清熱潤腸，解毒，促進新陳代謝，加強體內廢物排泄，對膽固醇，血壓過高有食療功效，冬菇多醣可以刺激淋巴細胞活化因子，提高免疫力 

扁豆，健脾，祛濕，消暑

黃豆- 健脾，潤燥，潤大腸，益氣，解毒，抗菌消炎

冬瓜- 消熱，祛水腫

生熟薏米- 通便，排毒，抗癌，治皮膚病

綠豆-清熱，解毒，去瘡

花膠-滋陰滋潤，補虛

夏日keep fit 大作戰 去脂篇

夏日keep fit 大作戰
去脂篇

**已附湯水食譜**

保持腸道健康，係瘦身過程中，絕對不容忽視架 已經成日食好多蔬果，排毒架？ 點解成日減都有個肚腩仔係度架？ 

平日食埋食埋D油呀等等，日積月累，腸道既兩過（即腸壁）會積住D脂肪呀，油係度，未必清得走日子耐會變成毒素所以必須定期清清佢有朋友會用斷食法，但未必個個體質頂得順架！用湯水幫下手啦

就算成日出去應酬，去街食飯都一樣有方法解決

先認識下呢兩位去油去脂好朋友先

- 竹䇠功效

有效減少腹壁脂肪囤積
有刮油作用
有止痛，補氣功效
降膽固醇
調節身陳代謝

竹䇠含有豐富蛋白質，氨基酸，礦物質
高血壓朋友一樣岩食

- 冬菇功效
*痛風症朋友禁食*

去脂
清熱潤腸
解毒
促進新陳代謝
加強體內廢物排泄
對膽固醇，血壓過高有食療功效
冬菇多醣可以刺激淋巴細胞活化因子，提高免疫力

清燉冬菇湯

功 效 ： 有 去 食 抑 制 膽 固 醇 的 合 成 及 促 進 其 排 泄 、 消 脂 瘦身

材 料 ： 冬菇 ， 清 水

做 法 ： 冬菇浸透，（可以用返浸菇水，但要隔一隔）去掟，將冬菇放入燉盅，加清水，燉2小時 加少少鹽調味😊飲得


**竹笙黃豆冬菇湯**

功效 調理脾胃,强化血管彈性

材料：竹笙，冬菇，黃豆，甘筍，南棗（可以唔加南棗）

*熱底朋友可以南棗都唔可

做法:

1)竹笙,香菇浸軟,去蒂

2 黃豆浸一小時

3)甘筍去皮,切件

**竹笙雪耳蛋花湯/糖水**

 功效：補充節食其間營養不足，防止皮膚乾燥，有效滋潤皮膚，同時有效消除腹壁脂肪

 材料： 竹笙 ，雪耳 ，雞蛋

 做法：

1 竹笙先用清浸，再洗乾淨
2 雪耳用清水浸，再洗淨、去蒂
3 雞蛋發勺
4 煲水，水大滾放竹笙、雪耳，用慢火煮十分鐘，再倒已發勻雞蛋，加入少少鹽調味就係湯/加少少冰糖就變身成糖水!


***熱檸水走糖***
---出街食飯必備---

功效：清腸，去油，去脂，美白，幫助消化


*但必須走糖

-出街食飯，無時間煲湯，就靠佢幫手，係屋企自己一樣可以整 :)

夏日Keep fit 大作戰 ----去水腫篇

夏日Keep fit 大作戰
----去水腫篇----

----已附強效瘦身，去水腫食譜

水腫而引致既肥，好多時都比大家忽略左水腫真係好麻煩架，除左身腫，仲會口腫，面腫，眼腫！而呢D腫，必須透過湯水，飲食，按摩，運動幫手盲節食減肥，會令情況惡化架！

----究竟乜野係水腫-----

水腫係是指血管外組織間隙中有過多體液積聚！先排除因病/懷孕引起既水腫，例如充血性心力衰竭，肝、腎疾病、營養不良、血漿蛋白低下、腎臟和內分泌調節紊亂造成，營養缺乏症、妊娠後期

--  大多水腫問題主要由於脾胃虛、新陳代謝慢、血液循環差、淋巴塞、而引起-血液循環差，淋巴塞可以透過運動，按摩去解決但脾胃虛必須係湯水，飲食著手

-- 脾胃健康自然無咁易水腫

--其實無論有無水腫都好，都建議定期祛濕，飲多D健脾湯水！將祛濕變成一個習慣😊令脾胃健康D，無濕阻，人都無咁攰啦

--但必須注意既係，當燥熱既時候必須暫停飲祛濕湯水，因為體內津液（水份）唔夠，再祛濕只會更乾，更燥

--引致脾胃虛，濕重成因，一定要睇返之前個post呀

https://www.facebook.com/photo.php?fbid=1468641306688185&set=a.145492635669719.1073741827.1423234851228831&type=1

強效健脾，祛濕，去水腫食譜

--以下3個食譜定期交替食，去水腫效果非常理想，脾胃亦會改善左架

強效祛濕茶，係上面條link有分享

淮山薏米粥

功效：健脾，祛濕，去水腫，清腸胃，去油膩

材料：白米，淮山，生熟薏米，陳皮1

做法：將所有材料洗淨，陳皮浸軟，刮囊
煲水，陳皮隨凍水落
直到水大滾，將所有材料落唒
打開蓋，大火煲，直到米開花變綿

**如消化功能差，生薏米可全部用熟薏米
**孕媽媽不宜食用

薏米紅豆粥

功效：去水腫，補脾虛，補心，瘦身
-- 紅豆功效：通小腸、利小便、水散血、消腫排膿、消熱解毒、治瀉痢腳氣、止渴解酒、通乳下胎

材料：紅豆，生熟薏米，冰糖

1 做法：準備同等分量紅豆，薏米
洗淨材料所有
紅豆需要浸兩三個小時/隔晚浸
薏米浸一個小時
*唔建議加大米，因為會破壞祛濕效果
*煩躁失眠，面起红疹、痘痘：可加百合，蓮子

2
先煲紅豆，直到紅豆開花，再加白米、薏米，大火煮，再轉小火煮至粘稠，放冰糖調味就可以

夏日keep fit 大作戰 肥胖分類篇

夏日keep fit 大作戰
肥胖分類篇

減肥，瘦身，應該每個姊妹們都身經百戰😊 我當然唔例外啦！近幾年試左一個方法的確幾work ，又健康D，有得食，又唔使咁辛苦，稍後會同大家分享 當然有好多有效湯水分享啦

點解減極唔瘦？愈減愈肥？飲啖水都肥架？ 其實肥瘦絕對同身體底子有關係架！

唔了解清楚，盲目減肥，唔單止瘦唔到！仲傷身呀！

所以經常強調要知道自己係咩底子，應該飲咩湯水，因應天氣要加強邊D湯水！再配合適當keep fit方法，身體好！自然又fit 又健康！皮膚又好啦

脾虛容易肥

係中醫角度黎講，肥胖即係陰陽失調、代謝減慢、脂肪積聚。

脂肪積聚既主因除左食得多，消耗得少，脾胃功能差都有關係架 脾臟有運化、祛濕的功能，運化即係推動養分運行全身，而祛濕即排毒、去水。

如果脾虛會令養分，水分積聚，導致肥腫！所以大家必需要定期祛濕，保持脾胃健康祛濕keep fit 皮膚好不可缺少一環！特別春夏，又飲凍野，又冷氣，香港又特別潮濕

引致濕，脾虛既原因，可以睇返之前個post 有詳細了解

https://www.facebook.com/photo.php?fbid=1468641306688185&set=a.1445492635669719.1073741827.1423234851228831&type=1

虛實肥胖分類

肥胖分為虛、實症兩種，但亦有朋友因為飲食失衡，身體虛弱，兩者夾雜住

實症肥胖

--脂肪型肥胖，為好吃好酒者，由於飲食失衡引致肥胖！因為情緒導致新陳代謝減慢，都係實症肥胖

虛症肥胖

指水腫，大多脾腎功能弱者！又再分脾虛型，腎虛型，再細分為胃熱型、痰濁型及氣滯血瘀型

1.脾虛

因飲食失衡/ 久病體弱形成!
脾臟運化失常，水液停留，形成水腫。

徵狀：四肢浮腫，神疲，大便溏薄。

2.腎虛

因為脾虛無好好處理，而形成

徵狀 ：下肢浮腫，夜尿頻，怕冷。

虛症肥胖 🔻再分類

1.胃熱

勁為食，導致胃過度活躍

徵狀：食得多，肚脹，大便乾硬

2.痰濁

嗜食肥野，嗜酒，破壞脾胃運作！積液成痰，成日喉嚨有痰痴住！

徵狀：胸膈痞滿，痰涎壅盛，肢體困倦。

3.氣滯血瘀

情緒差，肝功能差，肝失所養，肝氣鬱結，氣滯化瘀，影響新陳代謝。

徵狀：煩躁易怒，月經不調，失眠。