舒筋活絡湯

                                                     ！腰膝酸軟酸痛，頸緊膊痛！

                                                                    舒筋活絡湯

                                                                      好使得

＊腰膝酸軟，酸痛，頸緊膊痛！回南天，仲準過天文台，老朋友全部黎探你💥真係好難頂！有苦自己知！但都市人行埋十個十個都幾乎有呢D問題，不分老幼！未到八十已經骨頭脆！點攪？

其實呢D酸軟痛症簡單分左兩類先。
第一類，真係整傷過，勞損/長期姿勢錯誤引起起酸痛症。
第二類，因為身體差，腎虛，腎氣不足而引起酸痛症。呢個長期酸痛，真係講不出聲，講不出聲

如果你有以上煩惱，今日介紹湯水可以幫到你舒緩，仲有補腎作用！飲完好好訓架！自己本身腰傷過，飲左好正，立即舒緩！介紹過好多朋友飲都爆Like⋯⋯

注意傷風感冒未清勿飲！陰虛火旺 燥熱人士請清下熱降火先，因為藥材偏溫熱，有補腎功效💫想要效果好，去左濕健左脾，飲仲好，因為身體會吸收好多去濕水之前已經介紹過，可以去水腫，去濕安神，快D睇返💫吸濕大笨象個post

湯譜（必須濃縮才有效）

㊙️材料：牛膝，杜仲，巴戟，金狗隻，麥棗，豬尾骨

💫牛膝功效：活血去痙，補肝腎，強筋骨。
💫杜仲功效：主治腎虛腰痛，強筋骨，補肝腎，抗疲勞。
💫巴戟功效：補腎陽，強筋骨，冶痹痛，散寒濕
💫金狗隻功效：堅腎，補氣，養血，尿頻
💫豬尾骨：有大量鈣質，生乳補虛
💫麥棗：滋潤，令藥材無咁苦

做法：豬尾骨洗淨，出水，所有藥材徹底洗淨。所有藥材隨凍水落！水大滾落肉。必須煲足三小時。可加少少鹽調味。👍