夏日keep fit 大作戰
肥胖分類篇
肥胖分類篇
減肥，瘦身，應該每個姊妹們都身經百戰😊 我當然唔例外啦！近幾年試左一個方法的確幾work ，又健康D，有得食，又唔使咁辛苦，稍後會同大家分享 當然有好多有效湯水分享啦
點解減極唔瘦？愈減愈肥？飲啖水都肥架？ 其實肥瘦絕對同身體底子有關係架！
唔了解清楚，盲目減肥，唔單止瘦唔到！仲傷身呀！
所以經常強調要知道自己係咩底子，應該飲咩湯水，因應天氣要加強邊D湯水！再配合適當keep fit方法，身體好！自然又fit 又健康！皮膚又好啦
脾虛容易肥
係中醫角度黎講，肥胖即係陰陽失調、代謝減慢、脂肪積聚。
脂肪積聚既主因除左食得多，消耗得少，脾胃功能差都有關係架 脾臟有運化、祛濕的功能，運化即係推動養分運行全身，而祛濕即排毒、去水。
如果脾虛會令養分，水分積聚，導致肥腫！所以大家必需要定期祛濕，保持脾胃健康祛濕keep fit 皮膚好不可缺少一環！特別春夏，又飲凍野，又冷氣，香港又特別潮濕
引致濕，脾虛既原因，可以睇返之前個post 有詳細了解
虛實肥胖分類
肥胖分為虛、實症兩種，但亦有朋友因為飲食失衡，身體虛弱，兩者夾雜住
實症肥胖
--脂肪型肥胖，為好吃好酒者，由於飲食失衡引致肥胖！因為情緒導致新陳代謝減慢，都係實症肥胖
虛症肥胖
指水腫，大多脾腎功能弱者！又再分脾虛型，腎虛型，再細分為胃熱型、痰濁型及氣滯血瘀型
1.脾虛
因飲食失衡/ 久病體弱形成!
脾臟運化失常，水液停留，形成水腫。
脾臟運化失常，水液停留，形成水腫。
徵狀：四肢浮腫，神疲，大便溏薄。
2.腎虛
因為脾虛無好好處理，而形成
徵狀 ：下肢浮腫，夜尿頻，怕冷。
虛症肥胖 🔻再分類
1.胃熱
勁為食，導致胃過度活躍
徵狀：食得多，肚脹，大便乾硬
2.痰濁
嗜食肥野，嗜酒，破壞脾胃運作！積液成痰，成日喉嚨有痰痴住！
徵狀：胸膈痞滿，痰涎壅盛，肢體困倦。
3.氣滯血瘀
情緒差，肝功能差，肝失所養，肝氣鬱結，氣滯化瘀，影響新陳代謝。
徵狀：煩躁易怒，月經不調，失眠。
No comments:
Post a Comment