感冒診症室 寒熱感冒大不同 Part 1 中醫感冒術語全解碼

感冒診症室
寒熱感冒大不同
Part 1

中醫感冒術語全解碼
感冒分類，各種感冒宜忌
點解春天感冒特別勁？
感冒食物禁忌

感冒如果亂飲感冒茶，亂用食材隨時飲出禍呀所以必須清楚自己係乜野類型感冒呀，對症下薬！！

以後感冒可以話! 啊好邪啊

因為係中醫角度，感冒的確係有外邪入侵身體啊

成日話著多件衫，冚好被，唔好冷親呀

冷親究竟係咩先

中醫感冒術語全解碼

---冷親-即係身體受寒、受涼

中醫有風、寒、暑、濕、燥、火六種外邪之分

感冒都會邪？乜講呢D呀

唔使驚！中醫所講既外邪係指 傷害身體既外來野 ，簡單d講，即係傷身，唔好野啦

風、寒、暑、濕、燥、火呢六個字，我地睇中醫成日聽既/成日聽人講就係外邪喇

-- 外邪入侵身體，攪亂檔！就會病！，當然要食藥！趕走呢D傷身既外邪啦

 外邪係點樣入侵身體

-- 就係透過吹風，淋雨，冷氣等等途徑，入侵身體，當人抵抗力差，就會感冒了

感冒分類

--中醫將感冒分為4類
- 風熱感冒
- 暑濕感冒
- 風燥感冒
 風寒感冒

最常見既感冒就係風熱，風寒兩種 治療時主要係令病人出汗，以發散呢D風邪，將外邪驅離身體

風熱型感冒

身體會覺得好熱，可能有燒，汗出唔到黎，焗住係身體入面臉色紅，容易咳嗽，痰帶黃，咽喉會有點腫痛，口乾

-用涼性藥材，將風熱感冒，趕出體外💫可以用板南根，銀翹散👍薄荷舒緩

-所有辛溫既野必須停止生薑，紅糖，紫蘇，大胡椒、桂皮、茴香、丁香、砂仁、白酒、冬蟲夏草，羊肉等

~辛溫食物，只會火上加油！
~唔可以亂用寒涼藥材

風寒型感冒
- 怕冷、無發燒、不出汗、頭痛、身體酸痛、鼻塞、打噴嚏、流清鼻涕、咳嗽、

-要發散風寒，用辛溫藥將風邪趕出體外

-可以用 溫熱藥材去可樂煲薑 ，熱檸檬薑，黑糖薑茶，舒緩

風燥感冒

-除左一般感冒症狀，即頭疼、咽喉腫、鼻塞外

-最明顯分別係...乾...
-- 咽喉亁💥咳都係乾咳，無痰
-- 感冒初期以乾燥症狀為主❗️
-- 如果唔及時潤燥補水，就會加重感冒的病情

~~無花果救命水 最岩使

暑濕感冒

- 夏秋非常普遍，因為成日出入冷氣地方，溫差大，濕氣又重

- 覺得成個人好重，周身骨痛，頭脹痛，心煩，口渴，唔想飲水，大便很軟/爛，胃脹脹

- 消暑，祛濕，解熱

~可用葛根湯

**********以上病症，只係一個參考，由中醫辨證，最準確 勿自行服藥*******

~~~薄荷茶，熱檸檬薑，熱檸樂煲薑，黑糖薑茶，性質溫和，可根據自己感冒類型試

點解春天感冒特別勁
-邪性特別強   特別多人感冒

-- 風四季都有，但早春呢，岩岩由冬天走出黎，乍暖還寒
-- 呢個時間既風好硬，好尖利💫仲帶住冬天的陰寒
-- 風具有輕易變，無孔不入的特點💥就好似一把無形刀劍 隨時無聲無色咁傷人

所有感冒忌食

- 由於感冒期間，脾胃虛弱，消化力變差！ 所以老火湯，肉湯，等滋補，油膩野全面禁❗

-老火湯，肉湯滋補、油膩、酸澀食物，鴨肉、雞肉、羊肉、糯米飯、麥冬、人參、阿膠各種海魚、蝦子、螃蟹、龍眼肉、石榴、烏梅、圓肉，杞子等藥材，以及 各種粘糯的甜點食品

感冒診症室 寒熱感冒大不同 食療篇 巳附抗菌清腸清熱食譜

感冒診症室
寒熱感冒大不同
食療篇
巳附抗菌清腸清熱食譜

如果好似Part 1 咁講咁，感冒期間戒油膩，滋補野！食多D生果，菜之類，就無問題啦，夠清又有維他命

No No No 生果，蔬菜，一樣有寒，涼，熱之分如果誤食，又係會食出個禍來

例如，白籮蔔，雪梨，冬瓜，苦瓜係寒涼，如果係風寒感冒可能會嘔，會暈架

 一切從簡吧

感冒最好乜都唔好攪，清清地比腸胃休息下啦快好D架！乖乖地忍口幾日，大把好野等住你食呀

食譜

降火清熱清腸粥

任何病友都岩用

材料：咸豬𦟌/瘦肉一舊，粗鹽，米，淮山 / 可加少少元貝仔

食譜：

1 豬𦟌，用大約三分一包粗鹽醃左舊豬𦟌，大約兩小時。

果皮去囊，元貝仔用水浸一陣，米洗淨，淮山用清水浸45分鐘，再用水沖沖

2 用水洗走豬𦟌上所有鹽

3 煲煲水，淮山隨凍水落 大滾落肉，元貝，米。打開煲蓋煲，以免滾瀉 用大火煲（唔會痴底）至米開花，變綿食得

清腸清菌檸檬水

***唔加糖先有效

***（胃酸多，胃痛病人只宜淡味，喉嚨痛，燥底人士勿加薑）

功效：清腸胃，清滯，去油，清菌

檸檬含有豐富維他命C，檸檬酸可以抗腸炎菌，沙門氏菌，可以減少人體疲勞物貨乳酸產生

薑驅寒

食譜：
1 檸檬一個洗淨，切塊，薑細舊，用水沖下，用刀背拍鬆舊薑，等舊薑出味。
2 煲煲水，水滾掉哂檸檬同薑去滾，大約滾五分鐘，檸檬吉下佢等佢出味。

葡萄X Extra

**孕媽媽，糖尿病，血糖高，血壓高，心臟病，咖啡因敏感，嚴重疾病朋友，勿飲

**食左藥好攰，但都未必可以請假，腦力，體力，近乎零😨，遇著有緊要野做，點攪????

--- 可以試飲葡萄X  Extra

真係可以醒腦醒神 能量返返黎

- 以前一有腦力消耗戰/ 攰到做唔到野，都靠佢撐住一陣

-要飲唔凍架

-唔可以成日飲 因為高糖

- 咖啡因比較高

--一支好喇！唔可以多！--

之前介紹既無花果救命水

乾燥！燥底 到爆！食藥食到燥底！立即煲黎當水飲啦

特級滋潤止咳舒緩湯 咳唔斷尾，煲兩次飲下！但一定要濃，用正宗乾海底椰！感冒未清就唔好加肉

- 以上既湯水都可以係之前既post度揾度

-大家最緊要休息足夠，快d好架

腸胃炎&感冒病友，食譜揮手區

腸胃炎&感冒病友，食譜揮手區

收到好多求救訊息！實在係太多人腸胃炎同感冒了！！所以分享少少病友食譜！希望大家快D好返！

感冒未清既朋友，千期唔可以飲燉品，老火湯！因為會將感冒困左係入面！仲難好

今日介紹：

1 .清腸清菌檸檬水—腸胃炎，食滯病友適用
2 .降火清熱清腸粥—任何病友都岩使

先提一提大家先

之前介紹既無花果救命水
乾燥！燥底 到爆！食藥食到燥底！立即煲黎當水飲啦

特級滋潤止咳舒緩湯💫咳唔斷尾，煲兩次飲下！但一定要濃，用正宗乾海底椰！感冒未清就唔好加肉

以上既湯水都可以係之前既post度揾度

立即入正題

 清腸清菌檸檬水
（胃酸多，胃痛病人只宜淡味，喉嚨痛，燥底人士勿加薑）

功效：清腸胃，清滯，去油，清菌

檸檬含有豐富維他命C，檸檬酸可以抗腸炎菌，沙門氏菌，可以減少人體疲勞物貨乳酸產生

薑驅寒

食譜：
1 檸檬一個洗淨，切塊，薑細舊，用水沖下，用刀背拍鬆舊薑，等舊薑出味。
2 煲煲水，水滾掉哂檸檬同薑去滾，大約滾五分鐘，檸檬吉下佢等佢出味。

腸胃炎&感冒病友 食譜揮手區 續集

腸胃炎&感冒病友 食譜揮手區 💫續集 

(Part 1 有抗菌食譜參考）

降火清熱清腸粥

材料：咸豬展一舊，粗鹽，米，果皮一塊，可加少少元貝仔

食譜：

1 豬展，用大約三分一包粗鹽醃左舊豬展，大約兩小時。

果皮去囊，元貝仔用水浸一陣，米洗淨

2 用水洗走豬𦟌上所有鹽

3 煲煲水，果皮隨凍水落，大滾落肉，元貝，米。 打開煲蓋煲，以免滾瀉💥 用大火煲（唔會痴底）至米開花，變綿💫食得