腰骨痛之誤診-----梨狀肌發炎/候群症

~~~~~腰骨痛之誤診~~~~~

 梨狀肌發炎/候群症

**大家必須留意**

因為屋企人有呢個問題，而梨狀肌發炎係比較難診斷，非常容易被診斷為其他腰痛症，以診斷為脊間盤突出最常見所以要一定要同大家分享。

******誤診為腰痛，大件事****

屋企人久唔久都覺得腰附近扯住扯住咁，緊緊地，初初緊係搽下D按摩膏，舒緩下啦！

後來開始唔對路！開始由大腿至腰，有電撃，麻痹感覺，後來直頭大腿會硬直，肌肉突然收緊，想行都行唔到！要等幾分鐘肌肉放鬆返先可以行到 整整下情緒當然差，仲超級燥底！因為完全影響日常生活

去睇骨科醫生，骨傷科醫生，照過晒，都診斷為---> 椎間盤突出壓住神經線......所以有以上電擊等情況！

醫生當然建議做手術啦！雖然係微創姐，但脊椎手術始終有風險！所以四出搵醫生睇，人話好就去睇！

過程令人好氣餒，有D直頭話隻腳廢左唔使睇！ 針灸，敷藥等乜都試過，始終無大改善！

直至見到一個朋友傾開，佢之前行都行唔到，介紹我屋企人去睇，一檢查之下根本唔係腰有事
係----梨狀肌發炎

-----乜野係梨狀肌呢-----

梨狀肌 係臀部髖關節後一組肌肉，主要負責大腿活動工作

 因為坐骨神經大多係梨狀肌下面經過所以當梨狀肌受損，發炎/受壓，有機會引起坐骨神經痛，臀部痛 痛症，電擊，麻痹，再一直由大腿伸延至腳底  腳無咩力，嚴重時似跛腳，蹲坐，彎腰疼痛，大腿硬，企唔到，行樓梯都會痛

因為梨狀肌比較深層，又連住坐骨神經等等，所以比較難診斷/被誤診為 坐骨神經有問題/ 脊間盤突出

~~治療方法~~

藥物係解決唔到問題！需要透過超聲波消炎，放鬆 / 必要時注射類固醇幫助消炎  只有少數嚴重患者，用手術方法，切開放鬆梨狀肌。

家人透過個半月既超聲波治療，已經康復9成半了

~~預防方法~~

平日唔好坐太矮或太硬既椅子
唔好長時間蹲係地下工作
唔好蹺腳坐

Office 上班族，每隔一段時間就起身行下

坐姿要正確

戒口指南 成日話唔舒服要戒口，究竟要戒咩？ 以下係戒口分享，大家參考下丫

戒口指南

成日話唔舒服要戒口，究竟要戒咩？ 以下係戒口分享，大家參考下

~~小兒忌食

- 柿，韭菜，糯米，比較難消化

- 皮膚病忌食

- 肉類：牛，羊，鵝，鴨，田鷄，鴿，蛇  如果皮膚癢戒雞皮

-  蔬菜：所有菇類 包括靈芝，芛

- 所有海鮮：包括昆布，海帶，海草

- 生果：芒果，榴櫣，木瓜，荔枝，菠蘿，龍眼，柿

- 豆類：對豆類過敏

- 所有辛辣煎炸食物，糯米，洒精，濕熱食物

~~痛風忌食

- 動物內臟，蝦蟹，沙甸魚，豆類，椰菜，菠菜，冬菇，酒精，牛奶，奶製品盡量少食

- 關節，肌肉痛忌食

- 牛肉，糯米，酸野，辛辣，煎炸

*****寒性食物

- 所有凍飲，凍食，綠茶，啤酒，魚生，豆漿

- 生果：橙，芒果，西瓜，蔗，桔，柿，梨，楊桃，哈蜜瓜，山竹，柑，葡萄柚，百香果，桑椹

- 蔬菜：白菜，西洋菜，白蘿蔔，大芥菜，竹荀，冬瓜，苦瓜，紹菜，青瓜，霸黃花，生菜

- 廿四味，夏枯草，五花茶，金銀花，雞骨草

*****熱，濕熱性食物

- 肉類：羊肉，牛肉，魚肉，烏雞

- 五穀：糯米

- 生果：茘枝，榴櫣，菠蘿，番荔枝，紅毛丹，柿，芒果，楊桃，桔

- 豆 ：黑豆

- 蔬菜 ：生薑，大蒜，辣椒，胡椒

****感冒忌食

- 所有老火湯，肉湯，補品，煎炸，油膩野  

--因為感冒期間，脾胃消化力減弱，根本消化唔到ed野，反而加重負荷！而老火湯等等，有機會將感冒困身好難好

--雞，鴨，鵝，辛辣，煎炸，柿，海鮮

***要清楚自己係咩感冒先，例如風熱感冒仲飲薑茶，仲辛苦