靚媽媽孕記 香薰精油篇--預防妊娠紋香薰精油配方 對香薰精油有興趣朋友睇下丫

靚媽媽孕記
皮膚護理，扮靚靚
之
香薰精油篇
對香薰精油有興趣朋友睇下丫

香薰精油有別於香味精油
已附預防妊娠紋調配譜
已附孕媽媽香薰精油禁忌

香薰可以舒緩情緒，痛症，仲有護膚功效，唔同調配方法，效果都有唔同架💫
但係孕媽媽一定要留意喇唔係所有香薫孕媽媽都可以用架

香薰油係乜東東
香味精油唔係香薰精油

香薫精油-Essential / Pure Oil --- 香味精油-Fragrant Oil

~~~~兩樣係唔同架，香薰精華油是天然帶有香味的植物中提煉出來的精油，只有香薰精華油，有治療作用

香薰精油就係植物精華,精華分別喺植物嘅根﹑葉﹑花﹑莖﹑果實﹑木﹑種子及樹脂組織內 透過唔同方法萃取呢D精華出黎

要㨂優質香薰精華油標籤有以下資料

1）植物的英文名稱，拉丁文學名；
2）出產批號
3）精華油純度，如非列明100% Pure Essential Oil均不是純精華油
4）最佳使用期限（Best Before）
5）精油的萃取方法
6）出產地

咁天然既精華油都要小心？

因為某D精油，有好強既通經，活血作用，味道濃，刺鼻，所以孕媽媽必須小心用呀，因為有可能引致流產架

孕媽媽必須係懷孕3個月之後先可以用香薰精油 因為3個月之後 胎兒主要器官已經形成 香薰產品對胎兒的影響較小

- ＿盡量避免香味濃烈，刺激味道，催情作用精油都要免

- 有部分亦有分階段用架

- 孕媽媽用精油方法有唔同，同有特別調配比例，所以用之前請教專業香薰治療師比較好😊🌟🌟

孕媽媽香薰禁用精油List

西洋當歸、大茴香、辣椒羅勒、樟腦等則全個懷孕期不能使用

迷迭香、夾竹桃及西藏紅花等香草有活血破瘀及通經的功能，唔可以用

香茅 、羅勒、鼠尾草、絲柏、天竺葵、茉莉、肉豆寇、薄荷、迷迭香、百里香、洋甘菊、天竺葵、薰衣草、玫瑰、白芷、歐鼠尾草、杜松果、圓葉當歸、西班牙馬郁蘭、甜茴香、薰衣草、牛膝草、杜松、樟樹、苴香、馬鬱蘭、沒藥、雪松、玫瑰、迷迭香、百里香、艾草、山金車、白樺、快樂鼠尾草、冬青
大馬士革玫瑰、德國洋甘菊、絲珀、丁香

預防妊娠紋香薰精油配方

-預防妊娠紋

-甜杏仁油 + 小麥胚芽油（有機最好）

**甜杏仁油 功效**

多功能身體護理油👍豐富脂肪酸、卵磷脂、維他命等主要營養物質 適合乾性，粗糙及敏感性皮膚。

小麥胚芽油 
含豐富維他命E💫令孕媽媽肌膚懷孕期間保持柔軟,增進血液循環和提升肌膚彈性

 香薰精油調配方

杏仁油作底油,30％的小麥胚芽油 混合 可以去除舊有妊娠紋

靚媽媽孕記～ 孕媽媽奇妙之旅 Part 1 0至3個月行程 ---> 附驚險經驗分享

～靚媽媽孕記～
孕媽媽奇妙之旅
Part 1
0至3個月行程

---> 附驚險經驗分享

奇妙之旅，出發前注意事項

準媽媽入門篇
中西醫一樣要睇
政府，私家一樣要睇
正確補身觀
唔要做雪人媽媽

孕媽媽既奇妙之旅

歡迎各位準媽媽參加奇妙旅行圑奇妙之旅行程豐富 新奇刺激又好玩 只要放鬆心情，好好享受，每一個行程，景點，都會係開心，感動架

懷孕係心理同身體上既變化，係一個充滿驚喜既奇妙旅程 雖然旅程上可能會有少少辛苦 都會係人生既美好回憶💫特別係小寶寶，同你見面既時候，所有野都值回票價 

奇妙之旅立即出發，各位團友GoGoGo

中醫西醫都要睇
---- >>> 打爛沙盆問到篤

--- 當確定自己懷孕之後，第一件事要做既係中西醫都要睇

因為你必須要完全清楚了解自己既身體狀況，先可以作出正確既配合，確保旅途舒適又愉快

建議先睇西醫，再睇中醫!

西醫方面-婦產科醫生會同你做一個全缐大檢查，血液，尿液，仲會傾埋分娩方法等等等......西醫會用維他命，葉酸等輔助你去養胎💫係西醫度你會完全掌握到 身體狀況既數據 知道自己邊方面不足，可以戒口/食多乜野補充 

-- 中醫方面-首先要話比醫師知你考慮用既 - 分娩方法
--  之後一定要問清楚中醫
-- 自己係咩底子
-- 有咩湯水，補品岩自己
-- 乜野可以食 乜野唔岩食
-- 乜野時候食 因為人人體質唔同 如果有需要，必須將係西醫度既檢查結果，話比中醫知 醫師會係湯水，藥材上調校至最岩你既身體狀態 

-- 唔使怕唔好意思，有唔明白，就問 好過自己估估下，補錯身，食錯野就麻煩

政府醫院 私家醫生兩邊睇

驚險經驗分享

-- 無論你決定政府定私家生，兩邊都要睇，保障安全

-- 1.有好多孕媽媽，決定左去私家生，怕多人怕煩，都唔會去政府醫院檢查   當有緊急事發生既時候，通常會直接去政府醫院，政府醫院都可以有你齊你既記錄，可以立即知道點處理 所以點都去政府醫院，留個腳印穏陣 買個保險

-- 2.同樣，決定政府醫院生既，一樣要搵個私家醫生，Keep住做產檢 因為政府醫生比較繁忙 未必可以有全面，深入檢查

---- > 話說親友決定係政府醫院 自然分娩生Baby，已經就生得，去政府醫院檢查話一切正常❗ 後來去私家產檢 發現阿B根本未掉頭 私家醫生立即寫紙，叫親友立即返政府果邊要求跟進 最後唯有緊急開刀

-- 未必個個都咁唔好彩，但唔怕一萬，最怕萬一，以親友個案為例 如果直接生，非常危險架 所以搵個私家醫生跟住穏陣 

通知Boss 你懷孕了

如果你係在職孕媽媽，可以提交一封醫生證明信，確保懷孕期間所享有的待遇及權利便會得到保障。（懷孕期間如因例行檢查而離開工作崗位，可當作病假計算）

-安胎，養胎的疑惑

--健康安胎，防止變雪人

-- 大既唔食，細既都要食啦......媽媽天性，好自然第一時間一定諗左阿B先，怕阿B唔夠營養，自然心情緊張 於是乎係咁問人食咩好，計劃瘋狂狂補身

營養自動ATM比BB 

孕媽媽補身，其實係補充緊媽媽身體不足 而唔係補緊呀B

所有哺乳動物，包括人類都有個規律--->>>>

孕媽媽身體原本儲既蛋白質、脂肪、糖、鈣、鐵、維生素A等脂溶性維生素會優先供給比BB保證BB既營養，之後先到孕媽媽💫如果孕媽媽本身營養唔好 會損害媽媽身體健康

所以盲目進補，BB吸收唔到，反而孕媽媽造成脂肪過度堆積-- >造成生育困難 妊娠糖尿病等危機

孕媽媽本身體型，已經決定左胎盤等大細 過多地進補，BB唔一定大得快相反孕媽媽身體可能脂肪過多，造成長肉不長胎