香噴噴，卸妝法寶x2 美白，補濕，好乾淨

香噴噴，卸妝法寶x2

美白，補濕，好乾淨
皮膚仲好軟滑


不含礦物油，香料
會講下礦物油對皮膚禍害

卸妝最緊要快同乾淨，最怕落完妝，塊面乾爭爭，仲係唔多乾淨咁！

卸妝油基本上係每個女性必備既！

------》無論有無化妝都好，只要有搽防曬，都必須要用卸妝去清潔面部皮膚！

----》因為防囇產品有防水，防汗，功能，一般洗面產品係唔可以將防曬產品徹底洗走！

用防曬唔用卸妝清潔= 落妝落得唔乾淨，一樣非常傷皮膚架！仲會好容易出喑粒，出瘡！皮膚仲會加速皮膚老化架 



卸妝油咪油淋淋？

一支有質素既卸妝油，絕對唔會油淋淋架！洗完面係好乾淨，唔會乾爭爭既！



乜野為之優質卸妝油先

優質卸妝油首要不含礦物油！

礦物油點解唔好呢

礦物油Mineral Oil又叫石蠟油，係從原油分餾所得到的無色無味的混合物！

礦物油有阻隔皮膚水分蒸發既作用，所以係BB油、乳液、乳霜、護膚品當順滑保濕劑！由於礦物油既油溶性強，所以會係卸妝產品用到！

———》問題係礦物油透氣性差，皮膚唔可以正常地呼吸。

———》如果礦物油純度不足，如果卸妝產品中的礦物油純度比較低，混著雜質，引起過敏風險會增加，最普通情況係引起粉刺！



非常好用卸妝油

今日分享呢兩支卸妝油，分別用在一段時間，同樣非常好用！非常乾淨！用完立即白左，feel 到皮膚好滑，好有水分同光澤！!

Evie 同 Sassou 兩隻都係用天然植物油，香薰油組成，不含香料、礦物油！所以好香好relax!

佢地既香薰油粒子都好細，可以完全進入皮膚組織，徹底清潔皮膚！

兩隻乳化效果非常好，少少水已經可以將卸妝油完全乳化！

價錢方面，Evie 中等同一般大牌子差唔多，Sassou 貴D 但成份比較豐富




About Evie 

Evie 成份：薰衣草、羅馬甘菊、天竺葵、玫瑰、依蘭、雪松，配合來自法國一級葡萄核油、可可巴 油、 甜杏仁油等天然植物油！



About Sassou

Sassou 成分 : 荷荷巴油, 角鯊烷, 薰衣草油, 杏仁油, 葵花籽油, 玫瑰草油等

Evie : 可以係 
尖沙咀 the one Beauty Bazaar, 
中環 HARVEY NICHOLS Beyond Beauty - Pacific Place 買到

Sassou 可以係

Cwb 皇室堡，I square 買到

超超超級乾淨，眼部卸妝 極速+徹底+輕易卸除所有眼妝

超超超級乾淨，眼部卸妝
  極速+徹底+輕易卸除所有眼妝
以後唔使再拉扯眼皮lu
眼部同面部卸妝產品！必須分開
 務必留意全文呀

大家應該試過，十萬年都未落得乾淨D Mascara 同 Eyeliner 果種火！

落極都仲未乾淨，仲係痴住！於是開始大力，捽，拉，扯⋯⋯你個眼皮！務求儘快落乾淨個眼妝！！

的確依家既 Mascara , Eyeliner 防水，防油效果，真係可以好強勁！可以防足全日都無乜點溶！！真係好難卸得甩架！

你要知道呢！
眼部同面部卸妝產品！必須分開
面部卸妝油，係唔能夠徹底清除眼妝架！特別係防水防油產品！長期無徹底卸除呢D產品，有機會堵塞毛孔，好容易生眼瘡，同發炎架！

加上眼部皮膚比較薄，脆弱，需要特別照顧！

用力卸妝，經常拉扯眼皮，日子有返咁上下！鬆弛，眼紋，立即搵你！要知道一出紋同鬆弛係好難救！

甩睫毛更加致命，甩一條要幾個月先會生返原本咁長架！所以咪亂黎呀！！

支Chanel Eye Makeup Remover 又有幾勁先？?
版主曾經幫朋友做化妝model ! 果D妝真係好靚架！但係超級無敵勁濃！未計其他，淨係條eyeliner 已經徹底填滿你每個毛孔！！ 

做model 當日我就買左呢支Chanel Make up Eye Remover 去用----真係20秒內，超濃眼妝完全，徹底卸哂！！化妝師朋友都覺得勁！嘩咁快攪掂既！

自此呢支野，就成為我既恩物，去旅行都要帶埋！因為無論幾強既防水防油Mascara Eyeliner，一陣間就卸得乾淨哂!! 慳好多時間！

後來先發現好多明星都用佢架！最重要價錢唔貴！

About
Chanel Eye Makeup Remover
佢係一半水一半油黎既，但完全無油淋淋既感覺！

---》用之前搖勻佢，將適量既remover 倒落化妝棉度，係你要卸既眼妝度，㩒住（up)佢一陣，10至15秒左右！已經非常乾淨！

性質溫和----》成份有玫瑰水，矢車菊！可以保護眼部脆弱皮膚！唔會乾同嗱！連版主呢個敏感怪都無問題呀！

Chanel Eye Makeup Remover 可以係各大Chanel 化妝品Counter買到！

靚靚「唇」色 *** 勁勁勁勁好用既-lipstick ***

靚靚「唇」色 
*** 勁勁勁勁好用既-lipstick ***
搽完咀仔靚哂

完全解決唇紋，乾咀問題


唇色--絕對會影響個人醒神度！就算唔化妝都好，搽返少少唇膏，（顏色可以㨂 Natual d 既）個樣望埋去立即醒神左架！

搽唇膏，最怕係個咀乾，唇紋多，D皮突起晒，唔上色！ --> 呢lipstick 可以解決哂以上煩惱！

呢支lipstick Queen有幾好用先？

版主最懶護理咀唇，所以冬天死硬！超乾！⋯⋯以前每次搽唇膏之前，唯有不停勁搽潤唇膏！希望個咀唔好甩皮！唇膏搽出黎貼D！

自從用左呢支Lipstick Queen 完全解決我唇部煩惱 

-- 搽左佢，個咀立即滋潤哂，唇紋即時淡左！最重要係個咀立即有返光澤！色又靚，個人立即sharp 返！

About Lipstick Queen

呢支lipstick Queen 來自美國，中文名叫--口紅皇后 ! 佢價錢唔貴，成份溫和！

 Lipstick Queen 絕對唔杰身，唔會漿住個咀，有維他命E，透明質酸 --》所以有效滋潤，撫平唇紋，個咀有返光澤！ 顔色像真度高！

用法勁方便，佢係一支粗筆，搽2下已經好上色！買時有埋個筆刨！久唔久刨一次巳經夠！

 無動物測試，蜂蠟，不含麩質

---麩質 Gluten 存在於小麥、大麥、黑麥、裸麥類食物入面，有朋友可能對小麥.黑麥和大麥中所含一種蛋白質產生過敏反應---麩質過敏症！

*** Lipstick Queen 可以係 Joyce Beauty 買到 ***

亮眼秘技 唔痴假眼睫毛一樣掂

亮眼秘技
 唔痴假眼睫毛一樣掂

-- 留意3寶正確名稱呀
-- 留意搽出分明睫毛小技巧

其實版主有好多好用法寶，可以同大家分享架！睇下大家有無興趣先

眼晴亮麗有神，望落Sharp 好多架！除左眼線，睫毛液( Mascara)，都係絕對重要！所以姊妹們點都要有返兩招，同幾件法寶傍身！以備不時知需！

痴假眼睫毛未必人人識，自人人鐘意！

咁方便D搽睫毛液(Mascara )啦！但係要搽出分明睫毛，要有D小技巧架！唔係好容易搽到曱甴腳咁架！ 而且Mascara 既選擇太多太多！最重要一點係出名既唔一定好！

版主同朋友非常注重睫毛呢一part! 平平貴貴既Mascara都試左好多好多！經驗所得⋯其中一支係必備！最近睫毛達人朋友分享左2支mascara！防水同濃密效果超強！3支一齊用，眼睛立即Sharp晒！

要搽出靚靚睫毛，必須要將唔同功能Mascara 混合使用！

亮眼必備3寶

1 撐足你全日- MJ 睫毛打底液！

--試左咁多支，呢支真正可以令你夾完既睫毛，撐足全日，唔塌返落黎！

*小心買錯左支白色精華呀，留意包裝上係寫住Lash Base先岩呀

 2 增長效果一流- 粉紅色增長睫毛液！
--老實，MJ咁多支Mascara 都麻麻！特別金色果支，痴埋一舊！

--但呢支增長效果好掂，明顯見到長左！唔會癲埋一舊！唔會好厚身

 3 超濃密，夠黑，超防水！- Make up Forever AQUA SMOKY LASH !

-- 效果真係非常好好好！用左睫毛好濃密，成日都無溶過，無化過！

--又唔難落喎！

~~~ 亮眼3寶用法 ~~~

1 先將睫毛夾用風筒吹暖，將睫毛向上夾！

 2 立即搽MJ支白色睫毛打底液，可以搽2次，可以將夾起眼睫毛定形，無咁易塌！

3 搽MJ，粉紅色增長睫毛液，搽完一定，等一分鐘，可以補多一浸

4 搽Make up Forever AQUA SMOKY LASH ! 搽完一層，等一分鐘左右，再搽多浸！！認為唔夠可以再搽！

5 等2至3分鐘，睫毛液半乾，用睫毛夾，輕輕力！！緊記輕輕力！！將睫毛輕輕向上夾！完成！

** 注意 呢個部驟千期唔可以大力，一大力，眼睫毛可能斷哂架！！

**搽出分明睫毛秘技**

每次搽之前，必須拎張紙巾抹去多餘mascara，先再搽上睫毛！好似好浪費咁！但咁樣搽出黎既睫毛，非常分明！唔會痴埋一舊！

記住係每攞一次睫毛液，就用張紙巾抹去多餘mascara！

~~~一夾立即翹睫毛技巧~~~

夾睫毛之前，將睫毛夾用熱風筒吹吹，一夾睫毛立即翹起！慳返好多時間

注意：吹到睫毛夾暖暖地就可以！唔好太熱呀！燙傷架！

天然抗皺 Mask

天然抗皺 Mask 
仲可以去除乾紋，細紋架

---注意內容，材料上選擇---
---解開用油護膚好處之謎---

有紋又好，無紋又好，都必須要做足預防措施！因為一出左紋就好難攪！所以平時搽Skin Care 手勢,方向，力度，都要留意下！

仲有就係一定一定要內外滋養，補水！唔好比自己乾燥，因為一乾就容易出紋出粒，望埋去無光澤，殘D架所以平日飲多D水呀，滋潤湯水，再加上做下岩自己護理，將佢變成一個習慣皮膚自然靚靚！

世界上無唔靚既女人，只有懶既女人 姊妹們！加油呀

香蕉橄欖油抗皺Mask

*暗瘡性，油性皮膚忌用
*敏感性皮膚可將香蕉份量再減

*用之前先用耳背，手肘作敏感測試

功效：補水，舒緩，抗皺，去除幼紋，乾紋，增加面部光澤，柔軟嫩膚

-香蕉功效：香蕉含有大量維生素，鉀，鎂

有效舒緩，柔軟皮膚

-橄欖油功效：

優質的橄欖油有極佳補水保濕功效
性質溫和，唔會刺激肌膚
舒緩皮膚痕癢，乾燥
抗皺，除紋
容易吸收

做法：將半隻香蕉去皮，搗碎  跟住將香蕉泥與大約6ml橄欖油混合，再完全攪拌

用法：

1)洗乾淨面之後，先用熱毛巾敷臉約3分鐘有效軟化皮膚，令皮膚更加吸收（毛巾唔好太熱，會燙傷皮膚架）

2)將混合材既香蕉面膜，搽係面臉，可以搽埋頸部，避開眼部、唇部四週皮膚

3) 敷大約10-15分鐘，用溫水徹底洗凈

*****對用油護膚既誤解*****

大家可能都會有個感覺，用油搽上面咪油淋淋，塞毛孔！？

先了解Cream 點整先，Cream 係由水同油組成，但水同油溝唔埋架，咁就要加個媒人-乳化劑 將佢地溝埋喇！所以其實大家用緊既Cream都係有油既成份架

自然界比例中，大部份直接由原始狀態，再壓榨出黎既就係油類質感......只有經過乳化等過程，先可以變成奶白，奶黃色，由此可知油比奶色更加天然

優質的油，係無過多雜質，水分，相反更因為成分濃縮，可以令簡化護膚步驟，功效更加事半功倍令保濕作用更持久

但必須要分清楚植物油，純植油！唔係礦物油呀

美膚全攻略 春夏天然保濕去黃Mask

美膚全攻略
春夏天然保濕去黃Mask

春夏成日開冷氣，皮膚容易乾，天氣又濕又熱，太潤既野又唔笠煩死人

今日分享呢個Mask，味道非常清新，又補水，用完仲滑嘟嘟......
呢個Mask大家可能已經見過人分享，自己試左，又得wor 立即分享

青瓜蓉+純乳酪

功效：補水，去黃，收毛孔，皮膚變得通透有光澤

**喑瘡性皮膚，敏感性皮膚勿用
**使用前係耳背，手背試試有無敏感

青瓜功效

改善肌膚暗沉
美白
去皺抗衰老
活膚祛斑，收毛孔

純乳酪功效

純乳酪有齊皮膚所需既，維生素A，B，E，鈣質，蛋白質而且酵素成份比牛奶多
有效促進新陳代謝
深層滋潤皮膚，收細毛孔
有效抗氧化，促進膠原蛋白合成
乳酪檸檬酸，有機酸
有效殺菌 ，消毒，修護
性質溫和

做法

1 將青瓜洗淨，用攪拌機將青瓜打成蓉
2 將青瓜蓉，加入適量純乳酪，然後撈匀
3 洗面後，將撈好面膜，敷上面15分鐘，避開眼部位置之後洗乾淨

?????點解要將青瓜打成蓉?????

青瓜打成蓉敷面，令皮膚接觸面積更大更有效

美膚全攻略 面子工程 Part 1 皮膚好先要肺好

美膚全攻略
面子工程
  Part 1 

皮膚好先要肺好

--鐘意食生冷、寒涼野，氣管差朋友都要了解下

--濕疹
--容易皮膚敏感
--容易出粒，暗瘡
--個人氣色麻麻
--皮膚硬係唔夠光澤
--好多䕶膚品，Mask都唔多吸收
一係好快又無效

已經食左好多花膠，補品咁可以點呢？

 如果有以上問題/呢D問題久唔久黎襲擊你要注意下肺部補養

肺都會影響皮膚？

 養肺先養氣：男人肺氣足精力旺盛，女人肺氣足皮膚光滑

-- 你當身體每一個器官都係一個部門先，肺係管理你皮膚，毛髪 肺就好似一個泵咁 肺氣會推動血液將有用既營養，細胞等等，帶到全身 供養身體各部分臟腑、全身皮毛肺能正常，各部門（內臓）皮毛得到充分滋養就會健康，氣色就會特別好

--相反如果肺氣唔好，食咩都好，效果唔明顯同唔持久

氣色3合一？

氣由3方面組成

1.先天-受之父母，遺傳
2.後天-飲食，運動，休息時間影響
3.來自然界，環境因素

以上3部分夾埋，就形成氣 而色指人外表相貌 氣好，又夠氣，人既皮膚才自然有色即係光彩，光澤

通常都係後天影響，令肺氣唔好

 肺氣唔好，皮膚自然差

--大家一定有經驗，每次熬夜之後面色特別差，特別憔悴，殘左100倍 經常熬夜朋友，有暗瘡、粉刺或黑斑，就係因為肺功能受到影響，皮膚得無充分營養供應就會 飢餓，就會慢慢衰老、退化、出現皺紋

-- 肺唔好，皮膚特別容易過敏，起疹 因為肺有一個過濾，自我保護功能（宣發衛氣） 等如保護罩一樣，肺氣虛了，皮膚自動保護功效大減，再受到冷、熱、花粉等刺激 皮膚就容易過敏

肺最怕寒（凍）

-- 肺最怕 -寒，氣為陽（太陽）寒為陰，所以最容易傷肺氣就係寒

-- 著唔夠衫，凍親叫-外寒

-- 寒涼食物，凍飲，西瓜、苦瓜、黃瓜等寒性食物-叫內寒

-- 個肺長時間咁受內寒攻擊，日積月累，會容易感冒咳嗽，就係因為肺氣被傷了

所以成日叫大家要補氣，唔好補血唔補氣呢

💥Part 2 見💥

美膚全攻略 收毛孔，嫰膚最強 你只需要一罐黑啤!!!!

美膚全攻略

收毛孔，嫰膚最強 
你只需要一罐黑啤

啤酒都可以護膚？又話酒精對皮膚唔好？？啤酒既成份純對天然，對皮膚非常好修護作用絕對唔同一般酒精架

啤酒有乜好先

啤酒含有多種維生素，礦物質，有效令皮膚變得嫰滑細緻，抗衰老

啤酒既酒精成份，更加可以促進皮膚血液循環，收細毛孔

啤酒既酵素，仲有亮肌功效，令皮膚有返光澤

黑啤，啤酒花更多，美容功效更強

點用先？

當爽膚水用

功效：收無孔，亮肌

洗面後，將大半罐黑啤，當爽膚水，拍打面部皮膚一分鐘，然後再按摩，直至皮膚有少少紅紅地，再用清水清潔

會立即發現毛孔細左好多，又滑又有光澤

*****皮膚過敏，暗瘡性皮膚朋友勿試

~~~要效果更上一層樓，一星期最少深層清潔一次 如果毛孔唔𣈱通，太多污穢，收毛孔效果無咁強

啤酒Mask

功效：收緊皮膚，毛孔，亮肌

- 用紙面膜，放入浸啤酒3分鐘，然後，敷上面5至10分鐘，再洗面

- 用化妝棉將啤酒完全吸收，再敷上面，5至10分鐘

***敏感性皮膚，建議用啤酒泡按摩面部皮膚***
**用啤酒Mask之前，請先用耳背作敏感測試**

今晚齊齊啤啤佢，飲杯!!!!!!

皮膚全攻略 美白亮肌篇 Part 2 ---- 宮廷超强美白Mask分享, 食譜分享

皮膚全攻略
美白亮肌篇
    Part 2
宮廷超强美白Mask分享
食譜分享

一到春夏美白，美白同美白，自然變成為熱門話題但係淨係美白唔夠架補水，防囇，基本功夫一定要做足，美白先有效果架  美白功夫一樣需要由內而外做起以下既分享可能大家都睇過，不過我覺得Work所以分享下

美白既寶貝～檸檬

檸檬可以美白？係呀，唔單止美白，仲係感冒，腸胃炎救星

檸檬含有非常豐富既維生素，檸檬酸可以

有效美白，均勻，提亮膚色
防止皮膚色素沉著，防止色斑型成
促進胃中蛋白分解酶的分泌，增加胃腸蠕動，有消滯，去油效果
可以抗腸炎菌、沙門氏菌、腸道出血性大腸菌0-157等食物中毒菌效果

咁酸點食呀

整杯熱檸水啦 但要走糖先有用架

酸度除個人喜好，但當然唔可以太酸，太酸對胃唔好
胃病朋友最好勿飲，極其量一片檸檬，淡淡地飲少少

檸檬薏米水
最好唔加糖

--功效清熱，排毒美白，去濕
--雖然有祛濕功效，但依祛濕強度比較💫當然無純祛濕水，例如祛濕茶，土伏苓，冬瓜水等咁強功效

--薏米功效：健脾胃、利小便、消水腫

-- 生熟薏米分別在於 生比較寒，熟唔寒💫廣東人通常用生熟薏米各一半，平均d，做到不寒不熱

做法

生熟薏米洗淨浸一個鐘。
先煲滾水, 倒入薏米, 大滾後轉細火煲1個鐘。
再加冰糖, 冰糖溶哂，熄火, 再等薏米水凍就可加檸檬。
放入雪柜雪凍飲。

宮廷超級美白Mask 

古代既美容智慧，絕對不容忽視，特別係宮延配方 以前無咁高科技，都可以keep到皮膚白白滑喎 梗係要參考下

功效
美白功效超強
可以淡化暗瘡印，淡斑
可以消除暗唖，暗黃

成份
白術-美白 
白芷-可以抑制黑色素生長
白芍-祛除色斑，暗唖皮膚克星
白芨-潤滑皮膚，去暗瘡
白蘞-美白，治療暗瘡
伏苓-減淡懷孕期黑斑
珍珠粉-令面色均勻，皮膚柔軟，有光澤

做法：全部材料磨粉 要磨到好幼細，全部溝埋一樽儲存都可以 但唔好放太耐

一茶匙美容粉+牛奶攪勻，再放入紙面膜，直至紙面膜漲大，將紙面膜敷上面，敷20分鐘 用清水洗淨


美白效果超驚喜

油性皮膚可用無糖豆漿代替牛奶
混合性，乾性皮膚可以加少少蜜糖

始終係有中藥成份 所以先用手背，耳背試試，有無敏感，比較安全

珍珠粉建議買d有質素既

個人分享

敷後真係大叫...好白呀...
我覺得個效果好好，係明顯白左，黃氣無左!!

美膚全攻略 💫美白亮肌篇 Part 1 回復白裏透紅健康BB肌

美膚全攻略

    美白亮肌篇

Part 1 

回復白裏透紅健康BB肌 

相中純乳酪&蜜糖係我既天然去角質，滋潤保養孖寶

一白遮3醜,白白滑滑係人都想啦，但係白要白得均勻，有光澤有透明感先至為之白得靚架

其實好多美容方法，大家都可能睇書睇過架，不過我試過真係Work所以同大家分享下

要白滑💥要定期去角質

角質即角質層💫係皮膚外層既保護層 作用係防止皮膚受到外來傷害健康既角質層顯微鏡下，組織排列均勻有條理但隨著年齡增長，外來：污染，壓力，紫外線等等 角質層加厚而且變得不平均皮膚變得暗唖無光，缺水，鄒紋，乾紋，乜都現型，皮膚吸收力自然下降

所以必須定期去角質💫但只可以一星期一次,極其量一星期兩次😊過多會令角質層變薄，受損，皮膚會變得脆弱，容易敏感

純乳酪去角質

皮膚立即變得滑嘟嘟，又細緻，又有光澤，白裏透紅，狀態健康

---建議用返呢個牌子既純乳酪
---暗瘡，奶/敏感皮膚朋友勿試
---建議先用手肘試試

\功效：純乳酪有齊皮膚所需既，維生素A，B，E，鈣質，蛋白質💫而且酵素成份比牛奶多
--有效促進新陳代謝
--深層滋潤皮膚，收細毛孔
--有效抗氧化，促進膠原蛋白合成
--乳酪檸檬酸，有機酸
--有效殺菌 ，消毒，修護
--性質溫和

**個人覺得Work分享**

--我覺得Work既原因除左皮膚立即白滑，有返光澤之外  最重要係下爬兩邊既小粒粒，竟然消失左呢D粒柆之前吱極都有，果酸都唔掂，用乳酪竟然Ko左，最重要係皮膚質素健康左，之後我都一直Keep住用

***點用呢***

---洗面後，將一茶匙純乳酪，搽上面，然後用手，拍，輕輕拍至乳酪乾透，完全滲入皮膚
---跟住用手細細力❗️記住係細細力❗️捽下面上皮膚，會好似落雪咁好多死皮捽到出黎
---捽完，用水洗面照鏡，皮膚既細嫰，柔軟效果係超驚喜

---點解要拍？因為拍可以令乳酪完全，滲入皮膚，軟化角質，角質軟化左，自然可以容易清除

乳酪白滑Mask

- 連敷幾日 皮膚白滑唔少架

- 可以將凍既純乳酪，直接搽上面，再打圈按摩，10分鐘之後，用清水洗淨！

乳酪蜜糖Mask

-蜜糖有修護，滋潤功效

-乾性皮膚，一茶匙乳酪，一茶匙蜜糖，攪勻，搽上面，再打圈按摩，10分鐘之後，用清水洗淨！

-油性皮膚，一茶匙乳酪，一茶匙蜜糖，一茶匙燕麥，1/4個搗碎既桃 ，所有材料攪勻，搽上面，再打圈按摩，10分鐘之後，用清水洗淨！