~六星級海南雞油飯----食譜~

                                                         ***秀英廚房***                                                                                                                                 

                                               ~六星級海南雞油飯----食譜~

 --配合正宗醬料

--個個食到唔停口架 !   細心留意內容，每個steps呀!!

*所有醬料都可以係CC叔婆買到！
*價錢幾十蚊有交易！

呢個六星級油飯，煮既時候真係會香爆你個廚房！個個都話好食到唔使講 最怕係你煮唔夠飯炸

六星級油飯有無咁勁先！！真架！好多星級酒店，知名食堂，甚至新加坡出名既 海南雞-油飯，都係用呢隻💫星級飯料煮出黎 再配合正宗點雞醬汁！

跟住以下食譜，油飯唔單止油香十足，仲粒粒分明架！

呢幾隻新加坡出品既知名醬料，好多人成箱成箱買返黎架！

--因為個油飯太正，配乜都好食，滑雞食譜，下part 再分享!

廣祥興既雞飯辣椒醬，雞飯老抽！一定要買埋，非常正宗！無佢地海南雞飯立即失色！

                                                ******六星級油飯食譜******

*材料：米，香茅3支，薑幾片，大半袋乾蔥頭，1個蒜頭，莊記海南雞飯醬料

做法

1）米洗淨瀝乾水，香茅洗淨

2）香茅只要尾段，將香茅用刀背拍扁較容易出味D！再切段

--乾蔥頭，去皮切大粒（💥乾蒜頭唔好切太細！唔係下一個步驟，有排攪）

--薑切幾片

-蒜頭，拍扁

）3 用慢火，燒暖D油，將香茅，蒜頭，薑，乾蔥頭落鑊，慢慢爆到所有材料出香味！要幾分鐘架！

--所有材料出香味之後，先加米炒，米炒到微微金黃就可以，將所有材料放入飯煲

4）將頭先炒米既香料，香茅，乾蔥頭，蒜頭，薑果D呢，揀返一D出黎！只留返部份煲飯！

--薑要全部揀走
--太多香料太濃就唔好味了
--tips 加左水落米，容易D將香料㨂出黎

5）加水煮飯

--由於米已經炒過，熟左少少，所以水，要比平時煮飯小DD！

--太多水，油飯會好笠身

6）將莊記海南雞飯醬，約3至4湯匙！（💥注意係湯匙，唔係茶匙！）加入米，再完全攪勻，開掣煲飯

--莊記海南雞飯醬份量，要比樽用量指示多少少

7）飯煲好！千期唔好立即打開飯煲，等多15分鐘先！等飯完全焗透！打開飯煲，將飯拌勻！

------六星級油飯！食得

*如果發現飯太濕身，可以㩒多次煮飯掣！