海底椰解說班 PART 2

                                                                    Part 2
                                                                 已附湯譜

                                                               泰滋味食譜


                                                    海底椰功效正宗非洲乾海底椰
                                                                   現已有售⋯⋯

                          有效清熱潤肺，止咳，滋陰潤燥 ，陰虛，煩燥、特別乾咳，黃痰

街市新鮮海底椰有無效？

～街市成日見到果種透明狀、腍身海底椰，其實係海底椰未完全成熟果時，摘落黎開殼拎既椰肉，呢種海底椰，無咩療效同味道但因為夠爽，所以多數用黎整糖水，甜品 ！

～～食譜～～

＊特效止咳舒緩湯＊
＊注意必須濃縮，足料先有效
＊以下分量係煲埋得兩碗

材料：
1.美國無花果 五粒（剪開）
2.正宗乾海底椰 一碗滿/一紥
3.果皮2塊
4.南北杏
5.淮山五至六塊
6.瘦肉/ 豬𦟌（可以唔加，清飲更好）
點煲？
﹣果皮去嚢，無花果洗淨剪開
﹣乾海底椰，淮山洗淨，用水浸45分鐘左右，然後再沖一次水，以防有流黃，（如落肉就將肉出水）
﹣所有材料隨凍水落，直到水大滾，滾五分鐘，之後轉慢火煲一個半鐘至兩小時，加鹽調味


～海㡳椰無花果螺頭湯～

＊材料
1 乾螺頭
2 正宗乾海底椰 一碗滿
3 陳皮1塊 ， 南北杏
4 淮山 
5 瘦肉 ／ 豬𦟌
6美國無花果

＊做法

1 果皮去嚢，乾海底椰洗凈，無花果洗淨剪開，乾螺頭預先㓎定，浸螺頭水要返，肉出水

2 淮山洗淨，用水浸45分鐘左右，然後再沖一次水，以防有流黃，

3 除肉之外，所有材料隨凍水落，直到水大滾，滾五分鐘，之後轉慢火煲2個半小時加鹽調味




～～辣醬海底椰炒蝦球～～

＊材料：新鮮海底椰肉，蒜頭，泰式雞醬 ，蝦

＊做法
1 新鮮海底椰肉切條，蒜頭切粒，蝦洗淨去腸

2 先將新鮮海底椰肉，用熱水碌一下，然後瀝亁水，再用廚房紙印印

3 燒熱油鑊，爆下d海底椰肉，比少少雞粉/蠔油𠒇下，𠒇起備用

4 落蒜，爆下d蒜，落蝦快炒至6成熟，加埋海底椰肉，立即加埋泰式雞醬，快手兜，上碟

海底椰完全解說班 PART 1

                                                               海底椰完全解說班
                                                                         Part 1
                                                             正宗非洲乾海底椰
                                                                     現已有售

大家成日R爆頭究竟真假海底椰點分呢？唔使愁今堂立即同大家分享下海底椰真假點分GoGoGo⋯⋯

～海底椰身世～

海底椰原產地為非洲塞舌爾群島，正宗個名叫﹣海椰子/復椰子，係棕櫚科植物,亦係世界上最大堅果所以有椰子之象既稱號架！

海底椰要7年先至成熟，所以咪咁矜貴囉

海底椰﹣唔係生長係海底架！
-佢個名因為一個美麗誤會．話說....好耐以前,一位馬爾代夫漁民係印度洋上捕魚時，係漁網發現左個形狀酷似女人骨盆的椰子  當時既人就以為呢種奇形怪狀椰子係生長係海底既巨樹果實就命名為﹣﹣海椰子，後來係普拉蘭島﹣五月山谷，發現左呢種椰子既樹林。。。既然叫開海椰子，就繼續叫啦！

~點分真假海底椰 ?

-海底椰產地有2個，分別為 :
-非洲塞舌爾群島
-東南亞  包括泰國、斯里蘭卡等地

*非洲海底椰只有乾貨*

-由於非洲至香港山長水又遠✨非洲商人會先將海底椰風乾，再運到香港本地商人再將已風乾海底椰浸泡-->切片-->再烘乾.....所以非洲海底椰只有乾貨!

*價錢相差大*

- 非洲海底椰，出囗量少，質素高，療效高,所以價格高，平均售價過百蚊一両
- 東南亞海底椰，產量高，療效低，質素參差,所以幾十蚊都可以有交易

*眼睇皮，色澤 !  用鼻去索！就可以分到海底椰來源地 ！

＊＊＊非洲海底椰＊＊＊
﹣ 只有一邊有啡色皮
﹣另一邊呈狗牙形裂紋
﹣果肉紋理明顯，有光澤
﹣拎上手近睇✨有閃閃地折射光
﹣聞落有淡淡既椰子清香

＊＊＊非洲海底椰 療效，口感，味道＊＊＊

﹣療效相當高，非洲海底椰 有咳一飲便知龍與鳳！
﹣好滋潤
﹣非洲海底椰-煲起啖湯好清甜
﹣口感-係一塊乾左既木咁，因為只係要佢個味同功效，唔食得
﹣絕對唔會溶！唔會臭！

＊＊煲海底椰湯，要濃縮先有效果！唔同平時d湯水呀！

＊＊＊東南亞海底椰＊＊＊
﹣無以上效果架，四邊有啡皮，顏色暗沉，光滑無紋，療效低！

﹣其實東南亞海底椰，一樣係海底椰，只係功效低，又唔係假椰子。。。我地叫佢做A貨海底椰啦：）

                                       
＊＊＊＊Part 2 續＊＊＊

惹味食譜 金黃黃花魚子

惹味食譜
金黃黃花魚子

黃花魚子咁正當然食盡佢

蒸 煎 烤 焗 炒飯送酒一樣無問題

焗/BBQ
先將魚子用水沖一沖，（千期唔好浸呀），用廚紙印一印（可以係黃花魚子上，掃少少米酒）用180度，放入焗爐焗3分鐘，一𨍭金黃色。食得

金蒜魚子脆脆炒飯

 材料  黃花魚子，生蒜蓉，炸蒜蓉（少少炸蒜），蝦皮，雞蛋，鹽，隔夜白飯（用隔夜白飯，飯會挺身d，容易炒d）

做法

1 隔夜白飯先用飯煲焗返暖/攤涼

2 魚子用水沖一沖，抹乾水。拎個碟比d油連魚子一齊隔水蒸 10分鐘。攤涼，切粒。

3 雞蛋發勻 

4 蝦皮用個密梳離chok 乾淨

5 燒熱油鑊 先落蒜蓉爆香 再加魚子爆爆。 落隔夜飯炒 不停兜勻 直至每顆飯粒都沾滿魚子同蒜蓉

再加蛋兜勻，直至每顆飯粒都沾滿蛋液，再落蝦皮，炸蒜蓉兜匀，加少少鹽/雞粉調味食得

小朋友開胃食療揮手區 附開胃湯水

小朋友開胃食療揮手區

食多兩啖啦.....乖啦！食快D啦...

食完先玩啦...食完去買玩具呀....

....再唔食打架啦....以後都唔好食
.

....以上對白....相信好多父母都應該好有共嗚 !!!!

食餐飯都要左哄右哄....一係開戰咁 真係火都黎  但係咁食法

唔單止唔吸收 小朋友只會更加抗拒食飯 仲有可能破壞左個關係 !!!!

小朋友唔食飯/食得少 做父母當然擔心 於是乎攪盡腦汁，希望小朋友食多D，係其他方面吸收返多d營養花膠，補品等等等等，一齊食......

食花膠等等湯水，係好 但如果唔係有特別需要，例如身體好虛弱，氣管差，好瘦 補品間唔中食

就可以了平日多d唔同類型湯水，滋陰滋潤下就足夠小朋友係成長階段 佢地需要透過唔同既

食物均𧗾咁攝取多方面營養✅去成長去發育

先了解，一切還原基本部

第一類 小朋友真係唔肯食/食得少 ，我地可以透過食物顏色，組合去吸引佢食呢個之後再講

第二類 可能小朋友真係食滯左 胃脹脹 可能會因為天氣潮濕，悶熱，濕重，腸胃唔舒服，所以無咩口食野...只係唔識得好似大人咁表達，一味話唔想

第三類 可能有敏感症，食左某D食物唔舒服...例如肚痛...小朋友因為唔識表達，一係喊，一係唔食呢個家長要特別留意，小朋友食咩特別抗拒/會狅喊/肚瀉/皮膚敏感💥因為敏感症可大可少...尋日果集--- >星期二檔案💫關於小朋友敏感症💥大家可以睇下....

第四類 小朋友天生食道窄 有d 小朋友由BB開始食奶已經好慢，幾安奶食一粒鐘都未食完..呢個要同兒科醫生研究，可以點處理

開胃湯水

食物敏感小朋友先問下醫生意見

雙芽甜甜水（感冒勿飲）

材料：炒谷芽，炒麥芽，麥棗

炒過既谷芽，麥芽效果更好

一般藥材鋪買既係未炒既谷芽，麥芽！買返屋企需要自己加工

炒谷芽功效：開胃消積功效強

炒麥芽功效：消積開胃，健脾

點炒

用白鑊炒 無需落油

-- 開爐燒熱隻鑊，細火倒D生谷芽，麥芽落鑊炒至少少啡/啡黃色 兜起攤涼備用

-- 千期咪過火，一陣燶味架

點煲

1 麥棗洗淨，連炒左既谷芽麥芽，隨凍水落大火煲滾，滾5分鐘

2 𨍭慢火煲半小時，飲得

當水飲

陳皮白粥

功效舒緩感冒，胃脹，清腸胃

做法：陳皮一塊，米洗淨 先將果皮浸軟，刮囊，果皮，米，隨凍水落，大火煲45分鐘，至米變綿。加鹽調味

蕃茄薯仔雙芽湯

酸酸甜甜，加埋谷芽，麥芽開胃

材料 蕃茄 薯仔谷芽 麥芽 瘦肉

 做法: 瘦肉出水，切片蕃茄切細粒 薯仔去皮,切件  谷芽,麥芽洗淨  谷芽，麥芽隨凍水落至水大滾放

其他材料滾5分鐘，轉慢火煲2小時，比鹽調味

🐤

之前鴨腎post 介紹過

用南安鴨腎 味道比較好 （鴨腎名牌）

功效：消積 開胃 清熱  一次過滿足三個願望

BB版 粥譜/3歲以上可用 一個鴨腎

材料：南安乾鴨腎半個，准山2至3塊，瘦肉一舊，果皮一塊

1.乾鴨腎洗淨，用熱水滾2分鐘，將鴨腎切開一塊塊，再用熱水浸2至3分鐘（咁樣處理可以避免過鹹，BB岩食D）

2.果皮一塊去囊，准山用清水浸一小時，倒左D水，再沖下。瘦肉出水。米洗淨。

3. 煲煲熱水果皮，准山隨凍水落，水滾落其他材料。打開煲蓋，用中大火煲（可避免滾瀉兼痴底）直至米開花，變綿。

女仕們既鑽石級補品 豐富補充版 已附升級調理食譜

女仕們既鑽石級補品
豐富補充版
已附升級調理食譜

雞泡膠係近期女士們 至hit熱話之一 你又點可以唔知
今日介紹 女仕之寶 雞泡膠

雞泡膠功效非常好
爆Like

雞泡膠能夠登上女仕門補品No 1，當然有實力有食力啦

雞泡膠係雞泡魚肚。
主要針對女性
膠質豐富，口感軟滑
特別滋陰，療效高。效果顯著

 功效
調理身體
-- 主要針對女性婦科病💫例如 M唔準，荷爾蒙失調，M痛，可以穩定荷爾蒙蒙
-- 想生B 預備生B
-- 産後調理-身體愎原比較快，傷囗亦會埋得快D
-- 手術後調理
-- 糖尿病 白內障朋友亦可以

-----男人咪唔得食得 ???

--咁又唔係只係女性食效果顯著d 特別想生B朋友，同先生一齊食，效果更好

食譜
雞泡膠--燉效果比較好，可以將雞泡膠功效完全發揮

想效果好，先祛濕，脾胃吸收好多

預備生B/想生B朋友

2人份量
-- 最好同先生一齊食，頭頭一星期2次
-- 材料：雞泡膠6至8隻，白蓮子8至10粒，百合8塊左右，果皮一塊

做法：
1 果皮浸軟，去囊 百合，白蓮子洗淨。已浸發雞泡膠備用，瘦肉出水
2 果皮，百合，白蓮子，瘦肉先燉，一個半小時 再加雞泡膠燉一小時加鹽調味

想升級滋補，紅粉菲菲
燉紅豆沙
一人份量

-- 必須確定無燥熱先可以食，非常補
-- 只有燉雞泡膠先有升級效果

--材料：果皮一瓣，紅豆，百合，雞泡膠3至4隻

 做法：
1 果皮浸軟，去囊💫百合洗淨。已浸發雞泡膠備用

2 燉果皮，紅豆，百合先💫先將紅豆燉腍💫約一個半小時💫臨好之前半個鐘先落雞泡膠，燉半個鐘，加冰糖燉多5分鐘食得😊

日常調理身體
一人份量
材料：雞泡膠3-4隻，果皮2瓣
淮山4塊，乾螺頭5粒 ，瘦肉/豬𦟌

做法：
1 果皮浸軟，去囊 已浸發雞泡膠備用，瘦肉出水。乾螺頭預先一晚浸，浸螺頭 准山，洗淨，先用清水浸45分鐘，倒左d水，再用清水沖下

2 果皮，瘦肉，乾螺頭，淮山先燉，一個半小時 再加雞泡膠燉一小時 加鹽調味

祛濕救星 此方方便湯包現已有售 （已附湯譜）

祛濕救星
此方方便湯包現已有售
（已附湯譜）

購買時，記得話我知有幾多人飲💫因為會隨人數增加，而調整份量確保效力

天氣潮濕，訓極都咁攰，個人好重
周身唔舒服
成日食生冷野
成日係冷氣地方
便便去極唔清，肚谷谷咁
個人有d水腫咁

有以上問題既朋友💫立即飲返杯強效祛濕茶啦包你飲完舒服哂

成日話濕重濕重即係咩

濕即係滯留體內既多餘水份

濕可分爲兩種

*第一，香港天氣非常潮濕/長期處於潮濕環境中，都會引起外濕。
*第二，一定係最多人中既內濕平日成日食生冷野導致脾胃功能受損加上新陳代謝差 令體內積聚過多水份，造成濕重

今日介紹，強效祛濕茶

 一年四季 一家大細都岩飲

***燥熱腸燥朋友勿飲***
因為呢個係祛濕茶，體內水份不足仲飲，燥上加燥

功效：健脾，祛濕，利水，安神，去水腫

材料：
-- 雲苓-健脾，安神，利尿
-- 白术-健脾，祛濕，去水腫
-- 白芍-平肝，陰虛盜汗

--伏神-寧心安神

--扁豆衣-健脾，化濕，去腳腫

點煲
-- 將所有材料倒落個密窿罩離 邊Chok邊使 所以材料隨凍水落，至水大滾滾，滾5分鐘。轉慢火煲2個鐘  .....煲好落少少冰糖!!

-- 夏天雪凍飲，好過飲汽水

極品金黃鴨泡 閃耀登場 ---明顯厚身同大隻--- 有齊唔同頭數比大家選擇

極品金黃鴨泡
閃耀登場
明顯厚身同大隻
有齊唔同頭數比大家選擇

    鴨泡肚-非洲水鱸魚

點解叫極品

色澤夠金黃-即係老身
老身有咩好

老身已經放左一段日子夠乾水乾身唔會腥
發起零舍靚夠挺身
絕對唔會一pat野
膠質勁豐富
顏色夠通透

最緊要係價錢合理

因為一般厚身花膠，價錢都比較貴 淡水鱸魚產量，係依家黎講比較穩定 所以價錢唔會嚇死人 合理水平 所以鴨泡肚幾受歡迎架 

對象-
-想要豐富骨膠原既朋友
-想一隻煲湯攪掂，唔使煩既朋友
-其實一般想用黎補身，一家大細煲湯都岩用

備有
唔同Size 適合唔同需要 :
7至8頭，4至5頭，2-3頭 1頭一隻都有架  之前既16頭都有 

正宗新會靚陳皮 BB，小朋友，大人寶貝! 已附有效湯譜

正宗新會靚陳皮
BB，小朋友，大人寶貝!
已附有效湯譜

--陳皮（即係大家叫既果皮）。平時煲湯都成日用其實果皮同陳皮係有分別架陳皮唔只煲湯用得架

BB痰多胃痛胃脹手術前既星級寶貝黎架

  今日星級推介
正宗新會靚陳皮

點解要揀正宗新會陳皮

要造靚果皮新會柑係首選
新會柑，香味特別濃郁
優質種源
傳統採收工藝，知道點揀優質柑
銀洲湖水域，地利氣候種甘最靚

陳皮有咩好
陳皮正氣
燥濕化痰
通氣，健脾胃
舒緩胃脹，胃氣脹，腸脹
止嘔，化滯
去腥

陳皮必須去浸軟刮囊先可以用如果唔係好濕熱架

陳皮兩塊可以了，唔好太多，會破氣

煲湯必須隨凍水落

㨂陳皮小Tips
摸上手必須夠乾爽
香味夠濃郁

陳皮與果皮有咩分別

分別在於年分愈耐愈香醇
果皮只係曬左一年，味道未夠香醇
陳皮功效強D，味道香醇
陳年果皮同黃金一樣，愈耐愈值＄，價值幾千以上不等

燥熱，胃火，燥咳
氣虛唔好飲

食譜

果皮水
---BB痰濕（白痰）胃氣脹朋友岩用

功效：化痰理氣，舒緩胃脹

做法：陳皮一塊（BB半塊），先將果皮浸軟，刮囊，果皮隨凍水落，慢火煲45分鐘，飲得

陳皮薑茶
寒感冒先岩用
----功效：舒緩感冒，驅寒

做法：薑一舊，用刀背拍扁，薑先容易出味，陳皮一塊 先將果皮浸軟，刮囊，果皮，薑隨凍水落，慢火煲30分鐘，飲得

陳皮白粥
--- 功效舒緩感冒，胃脹，清腸胃
做法：陳皮一塊，米洗淨先將果皮浸軟，刮囊，果皮，米，隨凍水落，大火煲45分鐘，至米變綿。加鹽調味

蒸魚，鮮鮑魚，放面，除腥

究竟你寒底定熱 底子學堂-精讀版 Part 1

究竟你寒底定熱

底子學堂-精讀版

Part 1

要知寒熱先認識陰陽係乜先

點解要知自己咩底

---知道自己咩底，㨂岩自己既湯水，食物。自然身體好，食咩都吸收D

--- 唔清楚自己底子，亂飲湯水，亂咁清熱，亂咁補。隨時攪壞身體攪出個大頭佛呀

          陰陽失衡

-----身體偏寒/偏熱-----

-----中醫一向講求人陰陽平衡-50/50。若果身體失去平衡 身體會變得偏寒/偏熱。長期失衡，自然容易病

-----失衡大多因為外來因素引起，飲食問題，生活唔規律，壓力等等。但失左衡又無 正確咁攪返好！身體又點會好??

⁉️先認識陰陽係乜東東⁉️

--- 陽-身體功能-  即太陽

--- 陰-身體內的體液 即水份

陰虛陽虛又係乜東東⁉

--陰虛  即係體液，水 油脂分泌不足身體出現缺水狀態，眼乾、鼻乾、口乾、皮膚粗糙，頭髮乾旱

--呢類朋友通常有貧血問題，經常手腳冰冷。 極度陰虛的人，陽火相對旺盛，不斷燃燒體內津液  令人超口乾兼喉痛....嚴重時會低熱(即探熱不覺體溫上升，但自覺手足心煩熱)，呢種熱我地叫「陰熱」或「虛熱」。

----會再分為----心肝肺腎陰虛

-----陰虛既人再亂補食壯陽食物，例如人參、鹿茸等，會令 ️陽火旺盛 身體機能處於過度興奮活躍的狀態，一樣會產生火，燃燒體內津液，水份 ......所以叫大家唔好亂補!!

陽虛---即係陽氣不足，身體機能衰退

簡單d講， 陽氣即係身體個太陽，太陽唔夠，細胞生命力，自然下降身體就 自然處於寒冷狀態。

-- 呢類朋友  氣血不足，面青，手腳冰冷 ️腰膝酸軟 ️怕凍 ️成日攰，無厘神氣。

-- 再細分  心肝脾肺腎陽虛  心悸，尿頻，易攰又無氣，成日咳下咳下!!

****陰陽一樣虛******

即係個人又缺水....又唔夠太陽

所以我地要令陰陽盡量保持係50/50平衡狀態。

----------Part 2 續----------